ഏറ്റുമാനൂർ: വോട്ടെണ്ണൽ ആദ്യഘട്ടം പൂർത്തിയാകുമ്പോൾ വി എൻ വാസവൻ പിന്നിൽ. നാട്ടകം സുരേഷ് 4041, വി എൻ വാസവൻ 2860, ആതിര ഡി നായർ 980 എന്നിങ്ങനെയാണ് ഏറ്റുമാനൂരിലെ വോട്ട് നില. അതേസമയം, പാലാ തിരിച്ചു പിടിച്ച് ജോസ് കെ മാണി. ആദ്യഘട്ടത്തിൽ ഇടത് സ്വാധീനമുള്ള രാമപുരത്ത് മാണി സി കാപ്പൻ ലീഡ് നിലയുയർത്തിയിരുന്നുവെങ്കിൽ നിലവിൽ ഷോൺ ജോർജാണ് വോട്ട് നിലയുയർത്തുന്നത്. കേരളാ കോൺഗ്രസ് കണ്ണുംപൂട്ടി ജയിക്കും എന്ന് കരുതിയിരുന്ന മണ്ഡലങ്ങളിലൊന്നാണ് പാലാ. അവിടെയാണ് മാണി സി കാപ്പൻ ലീഡ് നിലയുയർത്തുന്നത്. കോട്ടയത്ത് കേരളാ കോൺഗ്രസ് മത്സരിച്ച എല്ലാ മണ്ഡലങ്ങളിലെ സ്ഥാനാർത്ഥികൾ എല്ലാവരും നിലവിലെ സ്ഥിതിയിൽ പിന്നിലാണ്.
ഇത്തവണ കേരളം ആർക്കപ്പമെന്ന് നിർണ്ണയിക്കുന്ന നിർണ്ണായക രാഷ്ട്രീയ പോരാട്ടത്തിന്റെ വോട്ടെണ്ണൽ ആരംഭിച്ചു. സംസ്ഥാനത്തെ 140 മണ്ഡലങ്ങളിലെ വിജയികളാരെന്ന് അറിയാൻ ഇനി മണിക്കൂറുകൾ മാത്രം. എൽഡിഎഫ് മൂന്നാമൂഴം ലക്ഷ്യമിടുമ്പോൾ അധികാരത്തിൽ തിരിച്ചെത്താനുള്ള പോരാട്ടത്തിലാണ് യുഡിഎഫ്. സിപിഐഎം നയിക്കുന്ന ഇടതു മുന്നണിയും കോൺഗ്രസ് നയിക്കുന്ന യുഡിഎഫും ബിജെപി നേതൃത്വത്തിലുള്ള എൻഡിഎയും നേർക്കുനേർ മത്സരിച്ച കേരളത്തിലെ തെരഞ്ഞെടുപ്പ് ഫലം പ്രവചനാതീതമാണ്. സംസ്ഥാനത്ത് 140 മണ്ഡലങ്ങളിലെ 30,495 ബൂത്തുകളിലാണ് ഒരൊറ്റ ഘട്ടമായി ഏപ്രിൽ 9ന് വോട്ടെടുപ്പ് നടന്നത്. 79.70 ശതമാനമായിരുന്നു ഇത്തവണ കേരളത്തിലെ പോളിംഗ് ശതമാനം. ഏപ്രിൽ 29ന് പുറത്ത് വന്ന ഭൂരിപക്ഷം എക്സിറ്റ് പോളുകളും യുഡിഎഫ് ഭരണം തിരിച്ച് പിടിക്കുമെന്നാണ് പ്രവചിക്കുന്നത്. എന്നാൽ സംസ്ഥാനത്ത് ഭരണവിരുദ്ധ വികാരമില്ലെന്ന സൂചനയായാണ് എൽഡിഎഫ് ഇഞ്ചോടിഞ്ച് പോരാട്ടം നടത്തുമെന്ന എക്സിറ്റ് പോൾ പ്രവചനങ്ങൾ വിലയിരുത്തപ്പെടുന്നത്.