ഡാമുകളിൽ ആവശ്യത്തിന് വെള്ളമില്ലാത്തതിനാൽ ജലവൈദ്യുതി ഉത്പാദനം കുറയുകയാണ്. 4.25 രൂപയ്ക്ക് ലഭിക്കാവുന്ന വൈദ്യുതി പോലും ഇപ്പോൾ ലഭിക്കുന്നില്ലെന്നും സണ്ണി ജോസഫ് പറഞ്ഞു. മാർച്ച്, ഏപ്രിൽ മാസങ്ങളിൽ കടമായി വാങ്ങിയ വൈദ്യുതി ഓരോ ദിവസവും തിരിച്ചുനൽകുന്നുണ്ടെന്നും മന്ത്രി വ്യക്തമാക്കി. അതേസമയം, വൈകുന്നേരം ആറുമണി മുതൽ രാത്രി 12 വരെയുള്ള പീക്ക് സമയങ്ങളിൽ വൈദ്യുതി നിയന്ത്രണം ആവശ്യമായി വന്നേക്കാമെന്ന് കെഎസ്ഇബി അറിയിച്ചിട്ടുണ്ട്. പവർ എക്സ്ചേഞ്ച് വഴിയുള്ള വൈദ്യുതി ലഭ്യതയിലും കുറവുണ്ടെന്നാണ് കെഎസ്ഇബിയുടെ വിശദീകരണം. രാജ്യത്തെ വൈദ്യുതി ലഭ്യതക്കുറവും കുറഞ്ഞ ജലനിരപ്പും ഉയർന്ന ഉപഭോഗവുമാണ് നിലവിലെ പ്രതിസന്ധിക്ക് പ്രധാന കാരണങ്ങളായി ചൂണ്ടിക്കാണിക്കുന്നത്.