രാത്രിയിൽ കാമുകിയെ കാണാനെത്തിയെന്നാരോപിച്ച് കട്ടിലിനടിയിൽ ഒളിച്ച വാർഡ് മെമ്പറെ നാട്ടുകാർ പിടികൂടി മർദിച്ചു. ബിഹാറിലെ പശ്ചിമ ചമ്പാരൻ ജില്ലയിലെ ബെട്ടിയയിലാണ് സംഭവം. യുവതിയുമായി വാർഡ് മെമ്പർ പ്രണയത്തിലായിരുന്നുവെന്നാണ് നാട്ടുകാർ പറയുന്നത്. അർധരാത്രിയോടെ ഇയാൾ യുവതിയുടെ വീട്ടിലെത്തിയതോടെ നാട്ടുകാർക്ക് സംശയം തോന്നുകയായിരുന്നു. തുടർന്ന് വീടിന് മുന്നിൽ തടിച്ചുകൂടിയവർ വാതിൽ തുറക്കാൻ ആവശ്യപ്പെട്ടു. വീടിനുള്ളിൽ പരിശോധന നടത്തിയപ്പോഴാണ് വാർഡ് മെമ്പറെ കട്ടിലിനടിയിൽ ഒളിച്ചിരിക്കുന്ന നിലയിൽ കണ്ടെത്തിയത്. പിന്നാലെ ഇയാളെ പുറത്തേക്ക് വലിച്ചിറക്കിയ നാട്ടുകാർ കൂട്ടമായി മർദിക്കുകയായിരുന്നു.
സംഭവമറിഞ്ഞ് സ്ഥലത്തെത്തിയ പൊലീസ് വാർഡ് മെമ്പറെ കസ്റ്റഡിയിലെടുത്തു. പൊലീസ് സ്റ്റേഷനിലെത്തിച്ച ഇയാളെ വിശദമായി ചോദ്യം ചെയ്തുവരികയാണ്. സംഭവവുമായി ബന്ധപ്പെട്ട് വിവിധ വശങ്ങൾ പരിശോധിച്ച് അന്വേഷണം ആരംഭിച്ചതായി റിപ്പോർട്ടുകളുണ്ട്. വാർഡ് മെമ്പറെ നാട്ടുകാർ പിടികൂടുന്നതും മർദിക്കുന്നതുമായ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. സംഭവത്തിന്റെ കൂടുതൽ വിവരങ്ങൾ പൊലീസ് അന്വേഷണത്തിലൂടെ വ്യക്തമാകേണ്ടതുണ്ട്