മുംബൈ: റിപ്പബ്ലിക് ടി.വി ചീഫ് എഡിറ്റര് അര്ണാബ് ഗോസ്വാമി അറസ്റ്റിൽ. മുംബൈ പൊലീസ് ആണ്അറസ്റ്റ് ചെയ്തത്. അര്ണാബിന്റെ ചാനലായ റിപ്പബ്ലിക് ടി വി അറസ്റ്റ് വിവരം സ്ഥിരീകരിച്ചിട്ടുണ്ട്.
അര്ണാബിന് എതിരായ ആത്മഹത്യ പ്രേരണ കേസിലാണ് ഇപ്പോള് അറസ്റ്റ് ഉണ്ടായിരിക്കുന്നത്. ബുധനാഴ്ച രാവിലെ 8 മണിയോടെ കേസില് ഹാജരാവാന് പൊലീസ് ആവശ്യപ്പെട്ടെങ്കിലും അര്ണാബ് നിസഹകരിക്കുകയായിരുന്നു. തുടര്ന്നാണ് പൊലീസ് വീട്ടിൽ എത്തി അറസ്റ്റ് ചെയ്തത്.
2018ല് ഒരു ഇന്റീരിയര് ഡിസൈനറായ വ്യക്തിയും അദ്ദേഹത്തിന്റെ അമ്മയും ആത്മഹത്യ ചെയ്ത സംഭവത്തില് അര്ണാബ് ഗോസ്വാമിയ്ക്കെതിരെ കേസെടുത്തിരുന്നു. ഈ സംഭവത്തിലാണ് ഇപ്പോള് അറസ്റ്റ് ഉണ്ടായിരിക്കുന്നതെന്നാണ് വിവരം.