റിപ്പോർട്ടർ റ്റിജോ
ന്യൂസ് ഡെസ്ക് കുവൈറ്റ്
കുവൈത്ത് സിറ്റി: ജിസിസി രാജ്യങ്ങളില് പുരുഷന്മാരുടെ പുകവലി നിരക്കിന്റെ കാര്യത്തില് കുവൈത്ത് ഒന്നാമതെന്ന് ആരോഗ്യ മന്ത്രാലയം. 39.9 ശതമാനം പുരുഷന്മാരാണ് കുവൈത്തില് പുകവലിക്കുന്നത്
വനിതകളിൽ മൂന്ന് ശതമാനം പുക വലിക്കുന്നവരാണെന്ന് ആരോഗ്യ മന്ത്രാലയം വ്യക്തമാക്കി. ലോക പുകവലി വിരുദ്ധ ദിനത്തോടനുബന്ധിച്ച് കുവൈത്ത് സൊസൈറ്റി ഫോർ സ്മോക് ആൻഡ് കാൻസർ കൺട്രോൾ സംഘടിപ്പിച്ച സിമ്പോസിയത്തിലാണ് ഈ കണക്കുകൾ നിരത്തിയത്. സിഗരറ്റ് മാത്രം കണക്കിലെടുത്തുള്ള കണക്കാണിത്.ഹുക്ക വലിക്കുന്നവരുടെ എണ്ണംകൂടി കണക്കിലെടുത്താൽ നിരക്ക് പിന്നെയും കൂടും. ജി.സി.സി രാജ്യങ്ങളിൽ പുകയില ഉൽപന്നങ്ങൾക്ക് ഏറ്റവും വില കുറവ് ഖത്തർ കഴിഞ്ഞാൽ കുവൈത്തിലാണ്. 481 ദശലക്ഷം ദീനാറാണ് രാജ്യത്ത് ഒരു വർഷം ഉപയോഗിക്കപ്പെടുന്ന പുകയില ഉൽപന്നങ്ങളുടെ മൂല്യം. കുവൈത്തിലെ പുരുഷന്മാരിൽ ഒരു ലക്ഷം മരണങ്ങളിൽ 49 എണ്ണം പുകവലി കാരണമാണ്.
കുവൈത്തിലെ പുകവലിക്കാരില് ശരാശരിയും 17-ാം വയസിലാണ് ഈ ശീലം ആരംഭിച്ചതെന്ന് ഹെല്ത്ത് പ്രമോഷന് വിഭാഗത്തിന്റെ പഠനം പറയുന്നു. കൂടാതെ ചില കുട്ടികള് അവരുടെ എട്ടാം വയസില് പുകവലി തുടങ്ങുന്നുണ്ട്. അത് വളരെ അപകടമാണ്.
13-15 വയസിന് ഇടയില് 24 ശതമാനം പുകവലിക്കുന്നുവരുണ്ടെന്ന് 2016ലെ സര്വ്വേയില് കണ്ടെത്തിയിരുന്നു. ഈ സര്വ്വേയില് എട്ട് ശതമാനം പെണ്കുട്ടികളും പുകവലിക്കുന്നതായി കണ്ടെത്തി