ഗാർഹികത്തൊഴിലാളി റിക്രൂട്ട്മെൻറ് : ഇന്ത്യ, കുവൈത്ത്​ ധാരണപത്രം മന്ത്രി സഭ അംഗീകരിച്ചു ,വിശദാംശങ്ങൾ ഇങ്ങനെ

റ്റിജോ ഏബ്രഹാം 

ന്യൂസ് ബ്യൂറോ കുവൈറ്റ് 

കുവൈത്ത് സിറ്റി :ഇന്ത്യ – കുവൈത്ത് ഗാർഹിക തൊഴിലാളി നിയമന ധാരണ പത്രം അംഗീകരിച്ചു കൊണ്ടുള്ള കരട് വിജ്ഞാപനത്തിനു കുവൈത്ത് മന്ത്രി സഭാ യോഗം അംഗീകാരം നൽകിയതോടെ ഇതുമായി ബന്ധപ്പെട്ട സാങ്കേതിക നടപടികൾ പൂർത്തിയായി .കേ​ന്ദ്ര വി​ദേ​ശ​കാ​ര്യ മ​ന്ത്രി ഡോ. ​എ​സ്. ജ​യ്​​ശ​ങ്ക​റി​െൻറ കു​വൈ​ത്ത്​ സ​ന്ദ​ർ​ശ​ന​വേ​ള​യി​ലാ​ണ്​ ധാ​ര​ണ പ​ത്രം ഒ​പ്പി​ട്ട​ത്.തൊഴിലാളികളുടെ അവകാശം ഉറപ്പ് വരുത്തുന്ന രീതിയിലാണ് ധാരണാപത്രം. 30 നും 56 നും ഇടയിൽ പ്രായമായ വനിതാ ഗാർഹിക തൊഴിലാളികൾക്ക് മാത്രമേ റിക്രൂട്ട് മെൻറ് അനുവദിക്കാവൂ എന്ന നിബന്ധന ഇന്ത്യ മുന്നോട്ട് വെച്ചതായി പ്രാദേശിക പത്രം റിപ്പോർട്ട് ചെയ്‌തു .ചുരുങ്ങിയ പ്രതി മാസ ശമ്പളം 100 ദിനാർ ആയിരിക്കും , സ്​​പോ​ൺ​സ​ർ തൊ​ഴി​ലാ​ളി​യു​ടെ പേ​രി​ൽ ബാ​ങ്ക്​ അ​ക്കൗ​ണ്ട്​ എ​ടു​ത്തു​ന​ൽ​കു​ക​യും ശ​മ്പ​ളം മാ​സ​ത്തി​ൽ കൃ​ത്യ​മാ​യി അ​ക്കൗ​ണ്ടി​ൽ നിക്ഷേപിക്കുകയും വേണം . റി​ക്രൂ​ട്ട്​​മെൻറി​െൻറ പേ​രി​ൽ തൊ​ഴി​ലാ​ളി​യു​ടെ ശ​മ്പ​ള​ത്തി​ൽ​ നിന്നുള്ള തുക പി​ടി​ച്ചു​വെ​ക്കാ​നോ വെ​ട്ടി​ക്കു​റ​ക്കാ​നോ ഏ​ജ​ൻ​സി​ക്ക്​ അ​വ​കാ​ശ​മി​ല്ല പൂ​ർ​ണ​മാ​യ ശ​മ്പ​ളം തൊ​ഴി​ലാ​ളി​ക്ക്​ ല​ഭി​ക്ക​ണം. ആ​രോ​ഗ്യ ഇ​ൻ​ഷു​റ​ൻ​സ്​ പ​രി​ര​ക്ഷ​യും ജോ​ലി​ക്കി​ടെ പ​രി​ക്കേ​റ്റാ​ൽ ന​ഷ്​​ട​പ​രി​ഹാ​ര​വും ല​ഭി​ക്കും. കു​വൈ​ത്ത്​ തൊ​ഴി​ൽ നി​യ​മ​ത്തി​െൻറ പ​രി​ര​ക്ഷ​യും ഗാ​ർ​ഹി​ക​ത്തൊ​ഴി​ലാ​ളി​ക​ൾ​ക്ക്​ ല​ഭി​ക്കും തുടങ്ങിയ മറ്റ് വ്യസ്ഥകളും കരാറിൽ ഉൾപ്പെടുന്നു