കോഴിക്കോട് നഗരത്തിൽ രാവിലെ ഒമ്പത് മണിയോടെയാണ് സംഭവം. യുവാവിനെ വിദ്യാര്ഥിനി തന്നെ പിടികൂടി പോലീസിലേല്പ്പിച്ചു.
സംഭവവുമായി ബന്ധപ്പെട്ട് പാളയം സ്വദേശിയായ ബിജു(30)വിനെ കസബ പോലീസ് കസ്റ്റഡിയിലെടുത്തു.
വിദ്യാർത്ഥിനി രാവിലെ ക്ലാസ് കഴിഞ്ഞ് പഠിക്കുന്ന സ്‌കൂളിനടുത്ത് എത്തിയപ്പോൾ പുറകെ എത്തിയ ബിജു കടന്നുപിടിക്കുകയായിരുന്നു.
പിന്നാലെ ഇയാൾ കുതറിയോടി മറ്റൊരു വിദ്യാര്ഥിനിയേയും ശല്യപ്പെടുത്താൻ ശ്രമിച്ചു. തുടര്ന്ന് ഓടിരക്ഷപ്പെടാൻ ശ്രമിക്കുന്നതിനിടെ വിദ്യാർത്ഥിനി തന്നെ ഇയാളെ പിന്തുടര്ന്ന് ഷര്ട്ടിൽ പിടിച്ച് വീഴ്ത്തുകയായിരുന്നു.
ഇതോടെ നാട്ടുകാർ തടിച്ചുകൂടുകയും ബിജുവിനെ തടഞ്ഞുവെക്കുകയും ചെയ്തു. പിങ്ക് പോലീസ് എത്തിയാണ് ബിജുവിനെ കസ്റ്റഡിയിലെടുത്തത്.
ഇയാൾ മാനസികാസ്വാസ്ഥ്യം ഉള്ളതുപോലെ പെരുമാറുന്നതായി പോലീസ് പറഞ്ഞു. വൈദ്യപരിശോധനയ്ക്ക് ശേഷം കോടതിയിൽ ഹാജരാക്കും. ഇയാൾക്കെതിരേ പോക്‌സോ കേസ് ചുമത്തുമെന്ന് പോലീസ് പറഞ്ഞു.