ന്യൂഡല്ഹി: കര്ഷകരുടെ എല്ലാ ആവശ്യങ്ങളും കേന്ദ്രസര്ക്കാര് അംഗീകരിച്ച സാഹചര്യത്തില് ഡല്ഹി അതിര്ത്തിയിലെ ഉപരോധം കര്ഷകര് അവസാനിപ്പിക്കും. സംയുക്ത കിസാന്മോര്ച്ച യോഗത്തിലാണ് തീരുമാനം. നാളെ ആദരാഞ്ജലി ദിനം ആചരിക്കും. ശനിയാഴ്ച വിജയാഘോഷം ഉണ്ടാകും. അതിനുശേഷം കര്ഷകര് അതിര്ത്തിവിടും.
വിവാദമായ കാര്ഷിക നിയമങ്ങള് പിന്വലിക്കുകയും കര്ഷകരുടെ മറ്റ് ആവശ്യങ്ങള് അംഗീകരിച്ച് രേഖമൂലം സര്ക്കാര് ഉറപ്പു നല്കുകയും ചെയ്തതോടെയാണ് സമരം ഔദ്യോഗികമായി അവസാനിപ്പിക്കാന് കര്ഷക സംഘടനകള് തീരുമാനിച്ചത്. ഡിസംബംര് 11-മുതല് ഡല്ഹി അതിര്ത്തികളില് നിന്ന് കര്ഷകര് സ്വന്തം വീടുകളിലേക്ക് മടങ്ങുമെന്നും കര്ഷക സംഘടനകള് അറിയിച്ചു.
'ഞങ്ങളുടെ സമരം താല്ക്കാലികമായി നിര്ത്താന് തീരുമാനിച്ചു. ജനുവരി 15ന് അവലോകന യോഗം ചേരും. സര്ക്കാര് വാഗ്ദാനങ്ങള് പാലിച്ചില്ലെങ്കില് സമരം പുനരാരംഭിക്കും' സംയുക്ത കിസാന് മോര്ച്ച നേതാക്കള് യോഗത്തിന് ശേഷം പറഞ്ഞു.