പത്തനംതിട്ട: വനിതാ ഹോസ്റ്റലിന് മുന്പില് നഗ്നതാ പ്രദര്ശനം നടത്തിയ രണ്ടുപേരിൽ ഒരാൾ അറസ്റ്റില്. അങ്ങാടിക്കല് സ്വദേശി നന്ദനന്(55) ആണ് പിടിയിലായത്.
വീട്ടില് നിന്നുമാണ് ഇയാളെ അറസ്റ്റ് ചെയ്തത്. ഇയാളുടെ ബൈക്കും പോലീസ് കസ്റ്റഡിയിലെടുത്തു. പെണ്കുട്ടിയോട് മോശമായി പെരുമാറിയതിന് ഏതാനും നാളുകള്ക്ക് മുന്പ് പ്രദേശവാസികള് നന്ദനനെ മര്ദിച്ചിരുന്നു.
വനിതാ ഹോസ്റ്റലിന് മുന്പില് സ്ഥിരമായെത്തിയാണ് ഇയാള് ലൈംഗീക ചേഷ്ടകള് കാണിച്ചിരുന്നതെന്ന് പെണ്കുട്ടികള് പോലീസിന് നല്കിയ പരാതിയില് പറഞ്ഞു. ഇയാള് നഗ്നത പ്രദര്ശിപ്പിക്കുന്നതിന്റെ ദൃശ്യങ്ങള് ഉള്പ്പടെ പകര്ത്തിയാണ് പെണ്കുട്ടികള് പോലീസില് പരാതിപ്പെട്ടത്
.കഴിഞ്ഞ ദിവസം രാവിലെ 11നും 12നും ഇടയിൽ മുണ്ടും ഷര്ട്ടും ധരിച്ച് ബുള്ളറ്റിലും സ്കൂട്ടറിലും എത്തിയ രണ്ടു പേരാണ് വാഹനം ഹോസ്റ്റലിന് മുന്നില് നിർത്തി നഗ്നത പ്രദര്ശിപ്പിച്ചത്. ഹെൽമറ്റ് മാസ്കും ധരിച്ചാണ് ഇവർ എത്തിയത്. പതിവായുള്ള ഇവരുടെ ശല്യം സഹിക്ക വയ്യാതെയാണ് പെൺകുട്ടികൾ പോലീസിനെ സമീപിച്ചത്.ഇയാളുടെ കൂടെയുണ്ടായിരുന്നയാളെ പിടികൂടാൻ പോലീസ് അന്വേഷണം ആരംഭിച്ചു.