കൊച്ചി:
പോലീസ് ഉന്നതനെതിരെ മോന്സണ് മാവുങ്കലിന്റെ മൊഴി വസ്തുതാപരമെന്ന് എന്‍ഫോഴ്‌സ്‌മെന്റ്
ഡയറക്ടറേറ്റ് (ഇഡി). വ്യാജ പുരാവസ്തു തട്ടിപ്പുമായി ബന്ധപ്പെട്ട കള്ളപ്പണം
വെളുപ്പിക്കല്‍ കേസില്‍ ഉന്നത പോലീസ് അധികാരികള്‍ക്കെതിരെ ഒന്നാം പ്രതി മോന്സണ്
മാവുങ്കല്‍ നല്‍കിയ മൊഴികള്‍ വസ്തുതാപരമാണെന്ന് ഇഡി. 18 ലക്ഷം രൂപ തട്ടിയ അനിത പുല്ലയിലിനെ ചോദ്യം ചെയ്യും. കേസിലെ
മുഖ്യപ്രതിയായ മോന്സണ് മാവുങ്കലിനെ കഴിഞ്ഞ ദിവസമാണ് ഇ ഡി ചോദ്യം ചെയ്തത്. സര്‍വീസില്‍ നിന്ന്
വിരമിച്ച പോലീസ് ഉദ്യോഗസ്ഥന്റെ മൊഴി അന്വേഷണം അവസാനിപ്പിക്കും മുമ്പ്
രേഖപ്പെടുത്തേണ്ടി വരും. ഒന്നര മാസം മുമ്പാണ് മോന്‍സന്റെ മൊഴി വിയ്യൂര്‍ സെന്‍ട്രല്‍
ജയിലിലെത്തി അന്വേഷണ സംഘം മൊഴി രേഖപ്പെടുത്തിയത്.
സംശയത്തിന്റെ നിഴലില്‍ മോന്‍സനുമായി അടുപ്പം പുലര്‍ത്തിയിരുന്ന
മൂന്ന് പോലീസ് ഉദ്യോഗസ്ഥരാണുള്ളത്. ഇതില്‍ ഒരാളാണ് വിരമിച്ചത്. പുരാവസ്തു
തട്ടിപ്പിനോടും നേരിട്ട് ബന്ധമുള്ള പോലീസ് ഉദ്യോഗസ്ഥന്‍ മറ്റൊരാളാണെങ്കിലും
വിരമിച്ച ഉദ്യോഗസ്ഥനുമായി സാമ്പത്തിക ഇടപാടുകള്‍ മോന്സണ് നടത്തിയിരുന്നു.
പോലീസുകാരെ സംരക്ഷിക്കുന്ന മൊഴികളാണ് മോന്സന് ഇഡിക്ക് നല്‍കിയത്.
എന്നാലും തെളിവുകള്‍ കാണിച്ചുള്ള ചോദ്യം ചെയ്യലില്‍ സാമ്പത്തിക ഇടപാടുകളെ കുറിച്ച്
മോന്സണ് വെളിപ്പെടുത്തിയതായാണ് അറിയുന്നത്.
അനിതയാണ് പുരാവസ്തു വില്‍പ്പനയ്ക്കായി നിരവധി പ്രമുഖരെ മോന്സന്
മാവുങ്കലിന് പരിചയപ്പെടുത്തിയത് എന്ന കണ്ടെത്തലിന്റെ അടിസ്ഥാനത്തിലാണ് ചോദ്യം
ചെയ്യല്‍. പ്രമുഖരെ പരിചയപ്പെടുത്തുന്നത് വഴി 18 ലക്ഷം രൂപ അനിത കൈപ്പറ്റിയിട്ടുണ്ടെന്ന്
അന്വേഷണ സംഘം കണ്ടെത്തിയിരുന്നു.
അതേസമയം, തന്നെ കുറിച്ചുള്ള എല്ലാ കണ്ടെത്തലുകളും
കള്ളമാണെന്നാണ് അനിത പറയുന്നത്. ആരെയും മോന്സണ് താന്‍
പരിചയപ്പെടുത്തിയിട്ടില്ലെന്നും 18 ലക്ഷം രൂപ തട്ടിയെന്നുള്ളത്
കള്ളമാണെന്നുമാണ് അനിത മുമ്പ് അന്വേഷണ സംഘത്തിന് നല്‍കിയ മൊഴിയില്‍ പറയുന്നത്.
മോന്‍സന്റെ പ്രധാന സാമ്പത്തിക ശ്രോതസ്സ് വില പെരുപ്പിച്ചു
കാണിച്ച വ്യാജ പുരാവസ്തുക്കള്‍ കാണിച്ചുള്ള ഫണ്ട് പിരിവാണ്. വന്‍തുക മറിയുന്ന
ബിസിനസിന്റെ ഉടമയാണ് മോന്‍സനെന്ന തെറ്റിദ്ധാരണയില്‍ കള്ളപ്പണം കൈവശമുള്ള പലരും
ബിസിനസ് പങ്കാളികളാകാന്‍ മോന്സന് പണം നല്‍കി. ഇവരെയാണ് മോന്സന് കൂടുതലായി
കബളിപ്പിച്ചത്. പണം തിരികെ ലഭിക്കാതിരുന്ന ചിലര്‍ പരാതി നല്‍കിയതോടെയാണ്
തട്ടിപ്പിന്റെ വിവരങ്ങള്‍ പുറത്തുവന്നതും മോന്സന് അറസ്റ്റിലായതും.