ദുബായ്: ദുബായിലെ നറുക്കെടുപ്പില്‍ സമ്മാനം ലഭിച്ച വിവരം പ്രവാസിയായ ചെറുപ്പകാരൻ അറിയുന്നത് ഫോണ്‍ കോള്‍ വഴി. എമിറേറ്റ്സ് ഡ്രോ റാഫിള്‍ നറുക്കെടുപ്പില്‍ 77,777 ദിര്‍ഹം സമ്മാനം ലഭിച്ച ഇന്ത്യക്കാരന്‍ കുനാല്‍ നായികിന് താൻ ആണ് വിജയിയെന്ന് അറിയില്ലായിരുന്നു. സമ്മാനം ലഭിച്ച വിവരം എമിറേറ്റ്സ് ഡ്രോ റാഫിള്‍ നറുക്കെടുപ്പ് അധകൃതർ ഇമെയിൽ വഴി അറിയിച്ചെങ്കിലും അദ്ദേഹം ഇമെയിൽ നോക്കിയില്ലായിരുന്നു.ഹണിമൂണ്‍ തിരക്കുകള്‍ക്കിടയില്‍ ആയിരുന്ന പ്രവാസിയായി യുവാവ്. 30 വയസുകാരനായ കുനാലിന്റെ അച്ഛനും ദുബായിൽ തന്നെയാണ്. ഈ വർഷം ജോലി അവസാനിപ്പിച്ച് അദ്ദേഹം നാട്ടിൽ പോകാൻ ഇരിക്കുക ആയിരുന്നു. കുനാലും ആറ് പേരും കൂടി ചേർന്നാണ് ടിക്കറ്റ് എടുത്തത്. മാതാപിതാക്കളെ സഹായിക്കാന്‍ ഈ പണം ഉപോയിക്കും എന്ന് അദ്ദേഹം പറഞ്ഞതായി ഗൾഫ് ന്യൂസ് റിപ്പോർട്ട് ചെയ്യുന്നു. അമേരിക്കയിലേക്ക് ഒരു അവധിക്കാല യാത്രയാണ് ഭാര്യ നിര്‍ദേശിക്കുന്നതെന്ന് അദ്ദേഹം പറഞ്ഞു. യുഎഇയില്‍ അക്കൗണ്ടന്റായി ജോലി ചെയ്യുകയാണ് യുവാവ്.മറ്റൊരു ഇന്ത്യക്കാരനും സമാനമായി 77,777 ദിര്‍ഹം ലഭിച്ചിരുന്നു. അദ്ദേഹത്തെയും സുഹൃത്തുക്കൾ ആണ് വിവരം അറിയിച്ചത്. ഒന്‍പത് മാസം മുമ്പാണ് എമിറേറ്റ്സ് ഡ്രോ നറുക്കെടുപ്പ് തുടങ്ങിയത്. ഏഴ് ദിര്‍ഹം മുതല്‍ 100 മില്യന്‍ ദിര്‍ഹം വരെയാണ് ക്യാഷ് പ്രൈസുകള്‍ നൽക്കുന്നുണ്ട്. യുഎഇയിലെ ഏറ്റവും ജനപ്രിയമായ നറുക്കെടുപ്പുകളിലൊന്നാണ് എമിറേറ്റ്സ് ഡ്രോ.