Video Link :------ https://twitter.com/i/status/1550492805310558208
ബെയ്ജിങ്: കെട്ടിടത്തിന്റെ മുകളില് നിന്നും ജനാലയ്ക്കിടയില് നിന്നും കുഞ്ഞുങ്ങള് താഴേക്ക് വീഴുകയും മരണം സംഭവിക്കുകയും ചെയ്യാറുണ്ട്. മാതാപിതാക്കളുടെ ശ്രദ്ധക്കുറവാണ് ഇതിലേക്ക് പലപ്പോഴും നയിക്കുന്നത്. അത്തരത്തില് ഒരു വാര്ത്തയാണ് ചൈനയില് നിന്നും കേള്ക്കുന്നത്. അഞ്ചാം നിലയില് നിന്നും വീണ കുഞ്ഞിന്റെ ജീവന് രക്ഷിച്ച വാര്ത്തയാണ് ലോകമെമ്പാടും ഇപ്പോള് പ്രശംസ നേടിക്കൊണ്ടിരിക്കുന്നത്.
അഞ്ചാം നിലയില് നിന്നു വീണ കുഞ്ഞിനെ കൈകളില് ഏറ്റുവാങ്ങിയാണ് യുവാവ് രക്ഷകനായത്. ഫ്ളാറ്റിന്റെ ജനാലയിലൂടെ അഞ്ചാം നിലയില് നിന്നു വീണ രണ്ടു വയസുകാരിയെയാണ് യുവാവ് രക്ഷിച്ചത്. ചൈനയിലെ ഷെജിയാങ് പ്രവിശ്യയിലെ ടോങ്ഷിയാങ് നഗരത്തിലാണ് സംഭവം.
31 കാരനായ ഷെന് ഡോങ് ആണ് കുഞ്ഞിന്റെ രക്ഷകനായത്. പോലീസ് ഉദ്യോഗസ്ഥരാണ് വീഡിയോ സമൂഹമാധ്യമങ്ങളില് പങ്കുവെച്ചത്. ഇതോടെയാണ് സംഭവം ലോകം അറിയുന്നത്. ചൈനയിലും ലോകമെമ്പാടും വീഡിയോ വൈറലാകുകയും ഷെന് ഡോങ് സൂപ്പര്ഹീറോ ആകുകയും ചെയ്തു. ദേശീയ സൂപ്പര്താരം എന്നാണ് ഡോങ്ങിനെ മാധ്യമങ്ങള് വിശേഷിപ്പിച്ചത്.