കണ്ണൂര്: തളിപ്പറമ്പ് പാടിക്കുന്നിൽ പ്ലൈവുഡ് ഫാക്ടറിയിൽ വൻ തീപിടിത്തം. ടാഗോര് പ്ളൈവുഡ് കമ്പനിയിലാണ് ഇന്ന് പുലർച്ചെ തീപിടിച്ചത്. രാവിലെ അഞ്ചരയോടെയായിരുന്നു സംഭവം. ബോയിലര് പിടിപ്പിച്ച കെട്ടിടത്തിലാണ് തീപിടുത്തമുണ്ടായത്. കമ്പനിയിൽ വൻ നാശനഷ്ടമുണ്ടായതായി അധികൃതർ പറഞ്ഞു.
ബോയിലറും കെട്ടിടവും പൂര്ണമായും അഗ്നിക്കിരയായി. തളിപ്പറമ്പ്, കണ്ണൂര് എന്നിവടങ്ങളില് നിന്നും എത്തിയ രണ്ടു യൂണിറ്റ് ഫയര് എന്ജിനുകള് ഉപയോഗിച്ച് ഒരു മണിക്കൂറിലേറെ പരിശ്രമിച്ചാണ് തീയണച്ചത്. കണ്ണൂര് ഫയര് സ്റ്റേഷന് ഗ്രേഡ് അസിസ്റ്റന്റ് സ്റ്റേഷന് ഓഫിസര് രാജീവന്, തളിപ്പറമ്പ് ഫയര് സ്റ്റേഷന് അസിസ്റ്റന്റ് ഓഫിസര് ടി അജയന് എന്നിവരുടെ നേതൃത്വത്തിലാണ് തീ അണച്ചത്.
വൈദ്യുതി ഷോര്ട് സര്ക്യൂട്ടാണ് തീപിടുത്തത്തിന്റെ കാരണമെന്നാണ് പ്രാഥമിക നിഗമനം. പ്ലൈവുഡ് നിര്മാണ ഫാക്ടറിയിലെ യന്ത്ര ഉപകരണങ്ങളും പാഴ്മരങ്ങളും ഉല്പാദിപ്പിച്ച പ്ലൈവുഡുകളുമൊക്കെ കത്തിനശിച്ചിട്ടുണ്ട്. ഫയര്ഫോഴ്സിനൊപ്പം നാട്ടുകാരും രക്ഷാപ്രവര്ത്തനത്തില് പങ്കെടുത്തു.
പത്തോളം ഫ്ളൈവുഡ് ഫാക്ടറികള് പാടിക്കുന്നില് പ്രവര്ത്തിക്കുന്നുണ്ട്. ഇതരസംസ്ഥാന തൊഴിലാളികളായ നൂറ് കണക്കിനാളുകളാണ് ഇവിടെ ജോലി ചെയ്യുന്നത്. യാതൊരു സുരക്ഷാക്രമീകരണങ്ങളുമില്ലാതെയാണ് ഇത്തരം ഫാക്ടറികള് പ്രവര്ത്തിക്കുന്നതെന്ന ആരോപണമുണ്ട്. ഇതരസംസ്ഥാന തൊഴിലാളികള്ക്ക് തൊഴിൽ കാര്ഡോ മെച്ചപ്പെട്ട ജീവിത സൗകര്യങ്ങളോയില്ലെന്ന് പ്രദേശവാസികള് പറയുന്നു. വിജനമായ പ്രദേശത്തായതിനാലാണ് തീപിടിത്തത്തിന്റെ വ്യാപ്തി കുറഞ്ഞതെന്നാണ് നാട്ടുകാര് പറയുന്നത്.