കഴിഞ്ഞ മാസം 22ന് വൈകുന്നേരം പയ്യന്നൂര് ജൂഡീഷ്യല് ഒന്നാം ക്ലാസ് മജിസ്ട്രേട്ട് കോടതിയില് വച്ചാണ് ഇയാള് രക്ഷപ്പെട്ടത്. അഭിഭാഷകനോടൊപ്പം കോടതിയില് കീഴടങ്ങാനെത്തിയ റിയാസിന്റെ മൊഴി മജിസ്ട്രേറ്റ് രേഖപ്പെടുത്താന് തുടങ്ങവെയാണ് പൊടുന്നനെ കോടതി മുറിയില് നിന്ന് ഇയാള് ഇറങ്ങിയോടിയത്. പഴയങ്ങാടി മണ്ടൂരില് സ്കോര്പ്പിയോ കാര് മോഷ്ടിക്കാന് ശ്രമിച്ച സംഭവത്തില് ചാര്ജ് ചെയ്ത കേസില് കോടതിയില് ഹാജരാകാന് വീഴ്ച വരുത്തിയതിന് റിയാസിനെതിരെ നേരത്തെ വാറണ്ട് പുറപ്പെടുവിച്ചിരുന്നു.
ഈ വാറണ്ടില് പോലിസ് അറസ്റ്റ് ചെയ്യുമെന്നും റിമാന്റ് ചെയ്ത് ജയിലിലാക്കുമെന്ന ചിന്തയിലാണ് രക്ഷപ്പെട്ടത്. ഇതു സംബന്ധിച്ച് മജിസ്ട്രേട്ടിന്റെ പരാതിയില് കേസെടുത്ത പയ്യന്നൂര് പോലിസ് ഇയാളെ പിടികൂടാനായുള്ള ശ്രമങ്ങള് നടത്തിവരുന്നതിനിടയിലാണ് മട്ടന്നൂരിലെ ഭാര്യവീട്ടില് നിന്നും പിടികൂടിയത്.കണ്ണൂര്-കാസര്ഗോഡ് ജില്ലകളിലായി നൂറോളം കേസുകളിലും കര്ണാടകയിലെ വധശ്രമക്കേസിലും ഇയാള് പ്രതിയാണെന്ന് പോലിസ് പറഞ്ഞു. അറസ്റ്റ് രേഖപ്പെടുത്തിയശേഷം ഇയാളെ കോടതിയില് ഹാജരാക്കി.