തിരുവനന്തപുരം: നടനും അവതാരകനുമായ മിഥുൻ രമേശിനെ ആശുപത്രിയിൽ പ്രവേശിപ്പിച്ചു.
ബെല്സ് പാൾസി ബാധിച്ചതിനെ തുടർന്നാണ് താരത്തെ ആശുപത്രിയിൽ പ്രവേശിപ്പിച്ചത്. മുഖത്തിന് താൽക്കാലികമായി കോടല് ഉണ്ടാക്കുന്ന രോഗമാണിത്.
തിരുവനന്തപുരം അനന്തപുരി ആശുപത്രിയിലാണ് താരം ചികിത്സ തേടിയത്. സോഷ്യൽ മീഡിയയിലൂടെ താരം തന്നെയാണ് വിവരം അറിയിച്ചത്.
ആശുപത്രി കിടക്കയിൽ കിടന്നുകൊണ്ടുള്ള വിഡിയോ ഇൻസ്റ്റഗ്രാം സ്റ്റോറിയാക്കുകയായിരുന്നു. പക്ഷാഘാതം വന്നതുപോലെ ആണെന്നും ഒരുഭാഗം അനക്കാനാവുന്നില്ലെന്നുമാണ് താരം പറഞ്ഞത്.
ഏതാനും ആഴ്ചകളിലെ ചികിത്സകൊണ്ട് രോഗം മാറ്റിയെടുക്കാനാവുമെന്നാണ് കരുതുന്നത്.