ജൂൺ മാസത്തെ റേഷൻ വിതരണം നീട്ടിയെന്ന് മന്ത്രി ജി.ആർ അനിൽ. സാമൂഹിക സുരക്ഷാ പെൻഷൻ മസ്റ്ററിങ്, ആധാർ-പാൻ കാർഡ് ലിങ്കിങ്, ഇ-ഹെൽത്ത്, വിദ്യാഭ്യാസ സ്ഥാപനങ്ങളിലേയ്ക്കുള്ള പ്രവേശനവുമായി ബന്ധപ്പെട്ട ഇ-ഡിസ്ട്രിക്ട്, ഇ-ഗ്രാന്റ്‌സ് തുടങ്ങിയവയ്ക്കുള്ള ആധാർ ഓതന്റിക്കേഷൻ നടക്കുന്നതിനാലാണ് സംസ്ഥാനത്തെ റേഷൻ വിതരണത്തിനുള്ള ആധാർ ഓതന്റിക്കേഷനിൽ വേഗത കുറവ് നേരിട്ടതെന്ന് മന്ത്രി അറിയിച്ചു.ഇത്തരം പ്രവർത്തനങ്ങൾ സമയബന്ധിതമായി പൂർത്തീകരിക്കേണ്ടതുള്ളതിനാൽ രാജ്യത്തെ അക്ഷയ കേന്ദ്രങ്ങൾ, സി.എസ്.സി-കൾ, മറ്റ് ഇ-സേവന കേന്ദ്രങ്ങൾ എന്നിവിടങ്ങളിൽ കഴിഞ്ഞ മൂന്ന് ദിവസങ്ങളായി വ്യാപക തിരക്ക് അനുഭവപ്പെട്ടുവരുന്നു. ആധാർ ഓതന്റിക്കേഷനുമായി ബന്ധപ്പെട്ട പരാതികൾ സമയബന്ധിതമായി പരിഹരിക്കുന്നതിന് സംസ്ഥാന ഐ.റ്റി മിഷന് നിർദ്ദേശം നൽകിയതായും മന്ത്രി അറിയിച്ചു. ജൂൺ മാസത്തെ റേഷൻ നാളെ കൂടി ലഭിക്കുമെന്ന് മന്ത്രി അറിയിച്ചു.