കുവൈറ്റ് സിറ്റി: സുലൈബിയ ഏരിയയിൽ കസ്റ്റംസ് വകുപ്പിന് എതിർവശത്തുള്ള യാർഡിൽ സ്ഥിതി ചെയ്യുന്ന മൂന്ന് ഡീസൽ സംഭരണ ടാങ്കുകളിൽ തീപിടിത്തം. അഗ്നിശമന സേനാംഗങ്ങളുടെ അടിയന്തര ഇടപെടലിനെ തുടർന്ന് സമീപത്തെ വാഹനങ്ങളിലേക്ക് തീ പടരുന്നത് തടയാൻ സാധിച്ചു.ഭാഗ്യവശാൽ, പരിക്കുകളൊന്നും റിപ്പോർട്ട് ചെയ്തിട്ടില്ല, തീ വിജയകരമായി നിയന്ത്രണത്തിലാക്കി. സുലൈബിഖാത്ത്, അൽ-ഇസ്നാദ്, അൽ-ഇസ്തിക്ലാൽ, ഹസാർഡസ് മെറ്റീരിയൽസ് സെന്ററുകളുടെ സംയുക്ത പരിശ്രമമാണ് വലിയ അപകടം ഒഴിവാക്കിയത്.