തിരുവനന്തപുരം : മുതലപ്പൊഴിയിൽ വീണ്ടും മത്സ്യബന്ധന ബോട്ട് മറിഞ്ഞ് അപകടം. 16 പേരടങ്ങുന്ന മത്സ്യ ബന്ധന ബോട്ടാണ് അപകടത്തിൽപ്പെട്ടത്. മറ്റ് വള്ളങ്ങളിലെ മത്സ്യത്തൊഴിലാളികൾ എത്തി എല്ലാവരെയും രക്ഷപ്പെടുത്തി.
ബുറാഖ് എന്ന വെള്ളമാണ് മറിഞ്ഞത്.
ഇന്ന് പുലർച്ചെ 6.30ഓടെയാണ് അപകടമുണ്ടായത്. ശക്തമായ തിരയിൽപ്പെട്ട് വള്ളം തലകീഴായി മറിയുകയായിരുന്നു. മത്സ്യത്തൊഴിലാളികളും മറൈൻ എൻഫോഴ്സ് മെന്റും കോസ്റ്റൽ പൊലീസും ഉൾപ്പെടുന്ന സംഘമാണ് രക്ഷാപ്രവർത്തനം നടത്തിയത്.
മുതലപ്പൊഴിയിൽ അപകടങ്ങൾ തുടർക്കഥയാകുന്ന പശ്ചാത്തലത്തിൽ മത്സ്യത്തൊഴിലാളികൾ അതീവ ജാഗ്രത പുലർത്തിയിരുന്നെങ്കിലും ഇന്ന് വീണ്ടും അപകടം സംഭവിക്കുക യായിരുന്നു.