തൃശൂർ: ഗുരുവായൂർ ക്ഷേത്രത്തിൽ കഴിഞ്ഞ ദിവസം അരക്കോടിയോളെ വരുന്ന സ്വർണക്കിണ്ടി വഴിപാടായി ലഭിച്ചു. 100 പവന്റെ സ്വർണക്കിണ്ടി ഇന്നലെ ഉച്ചപ്പൂജയ്ക്കാണ് നടയ്ക്കൽ സമർപ്പിച്ചത്. 49.50 ലക്ഷം രൂപയാണ് ഇതിന്റെ വില. ടിവിഎസ് ഗ്രൂപ്പിലെ രാധാകൃഷ്ണനാണ് ഗുരുവായൂരപ്പന് വഴിപാടായി സ്വർണക്കിണ്ടി സമർപ്പിച്ചത്.
അതേസമയം 64.25 ലക്ഷം രൂപയുടെ വഴിപാടുകളാണ് കഴിഞ്ഞ ദിവസം നടന്നത്. വരി നിൽക്കാതെ തൊഴാൻ കഴിയുന്ന നെയ് വിളക്ക് വഴിപാടിൽ നിന്നു മാത്രം വരുമാനം 18.54 ലക്ഷം രൂപയാണ് ലഭിച്ചത്. 1800ലേറെ പേർ ഈ സൗകര്യം ഉപയോഗിച്ച് ദർശനം നടത്തിയെന്നാണ് കണക്കുകൾ വ്യക്തമാക്കുന്നത്.