മാർപാപ്പ ഡിസംബർ 1 ന് ദുബായിലെത്തും; കാലാവസ്ഥ ഉച്ചകോടിയിൽ പങ്കെടുക്കും

 

ദുബായ്: ദുബായിൽ നടക്കുന്ന ആഗോള കാലാവസ്ഥ ഉച്ചകോടിയിൽ ഫ്രാൻസിസ് മാർപാപ്പ പങ്കെടുക്കും. ഡിസംബർ ഒന്നിന് ആയിരിക്കും മാർപാപ്പ ദുബായിൽ എത്തുന്നത്. നവംബർ 30 മുതൽ ഡിസംബർ 12 വരെ ദുബായ് എക്സ്‌പോ സിറ്റിയിൽ വെച്ചാണ് കാലാവസ്ഥാ ഉച്ചകോടി നടക്കുക.ഉച്ചകോടിയിൽ പങ്കെടുക്കുന്നതോടൊപ്പം മൂന്ന് ദിവസം മാർപ്പാപ്പ് ദുബായിൽ തങ്ങും. ഇറ്റാലിയൻ വിമാനക്കമ്പനിയായ ഐടിഎ എയർവേസിന്റെ കാർബൺ ന്യൂട്രൽ വിമാനത്തിലാണ് മാർപാപ്പ ദുബായിൽ എത്തുന്നത്. ഉച്ചക്കോടിയിൽ പങ്കെടുക്കാൻ നിരവധി നേതാക്കൾ എത്തും. ഇവരുമായെല്ലാം ഫ്രാൻസിസ് മാർപാപ്പ കൂടിക്കാഴ്ച നടത്തും. ചാൾസ് രാജാവ് ഉൾപ്പെടെ നിരവധി ലോക നേതാക്കൾ ഉച്ചക്കോടിയിൽ പങ്കെടുക്കാൻ വേണ്ടിയെത്തുന്നുണ്ട്.ഇതിന് മുമ്പ് 2019 ൽ ആണ് ഫ്രാൻസിസ് മാർപാപ്പ യുഎഇയിൽ എത്തിയത്. അന്ന് മൂന്നു ദിവസം രാജ്യത്ത് പര്യടനം നടത്തിയാണ് മാർമാപ്പ പോയത്. യുഎഇയിലെ ആദ്യ പൊതു കുർബാനയ്ക്ക് മുഖ്യകാർമികത്വം അന്ന് അദ്ദേഹം വഹിച്ചു. വലിയ ചരിത്രമായിരുന്നു അത്. 1.80 ലക്ഷം വിശ്വാസികൾക്കിടയിലേക്ക് ആയിരുന്നു മാർപ്പാപ്പ എത്തിയത്. യുഎഇയിലെ ആദ്യ ക്രിസ്ത്യൻ ദേവാലയമായ അബുദാബി സെന്റ് ജോസഫ്സ് കത്തീഡ്രലും അദ്ദേഹം സന്ദർശിച്ചിരുന്നു.

യു എ ഇ ഉച്ചകോടിയുടെ അധ്യക്ഷനായ സുല്‍ത്താന്‍ അല്‍ ജാബിര്‍ വത്തിക്കാനിലെത്തി മാര്‍പാപ്പയുമായി നേരിട്ട് കൂടിക്കാഴ്ച നടത്തിയിരുന്നു. കഴിഞ്ഞ ഒക്‌ടോബറില്‍ ആണ് കൂടിക്കാഴ്ച നടത്തിയത്.

ഐക്യരാഷ്ട്രസഭയുടെ ആഭിമുഖ്യത്തില്‍ ആണ് കാലാവസ്ഥ ഉച്ചക്കോടി സംഘടിപ്പിക്കുന്നത്. എല്ലാ വർഷവും കാലാസ്ഥ ഉച്ചക്കോടി നടക്കും. വിവിധ രാജ്യങ്ങളിലായാണ് പരിപാടി നടക്കുന്നത്. കാലാവസ്ഥ്യാവ്യതിയാനത്തെ ചെറുക്കുന്നതിനുള്ള മാര്‍ഗങ്ങളാണ് ഇത്തവണത്തെ ഉച്ചക്കോടി ചർച്ച ചെയ്യുന്നത്. പാരീസ് ഉടമ്പടിയില്‍ ഒപ്പു വച്ചിട്ടുള്ള രാജ്യങ്ങളാണ് ഉച്ചകോടിയിൽ പങ്കെടുക്കുന്നത്.2019 ഫെബ്രുവരിയിൽ ആണ് കഴിഞ്ഞ തവണ ഫ്രാന്‍സിസ് മാർപാപ്പ യുഎഇ സന്ദർശിക്കാൻ എത്തുന്നത്. യുഎഇ വിദേശകാര്യ വകുപ്പ് മന്ത്രി ഷെയിഖ് അബ്ദുള്ള ബിന്‍ സായിദും സംഘം വത്തിക്കാനിൽ എത്തി മാർപ്പായെ പ്രത്യേകം ക്ഷണിച്ചിരുന്നു. ഇതിന്റെ ഭാഗമായാണ് മാർപാപ്പയുടെ ആദ്യ യുഎഇ സന്ദർശനം നടന്നത്. പോപ്പിന്റെ സന്ദര്‍ശനം വിലയ മാറ്റങ്ങൾ ആണ് ഉണ്ടാക്കിയത്. വിവിധ രാജ്യങ്ങള്‍ തമ്മിലുള്ള സമാധാനത്തിന് അന്നത്തെ പോപ്പിന്റെ സന്ദർശനം വലിയ മുതൽ കൂട്ടായി.