പാഠപുസ്തകങ്ങളെ കാവിവൽക്കരിക്കാനുള്ള കേന്ദ്രസർക്കാർ നീക്കം അവസാനിപ്പിക്കുക; കേരള യുക്തിവാദി സംഘം
തൊടുപുഴ: കേരള യുക്തിവാദി സംഘം ഇടുക്കി ജില്ലാ സമ്മേളനം നടത്തി. തൊടുപുഴ ഹിൽഗേറ്റ് ഓഡിറ്റോറിയത്തിൽ പ്രൊഫസർ റ്റി.ജെ.ജോസഫ് ഉദ്ഘാടനം ചെയ്തു. ജില്ലാ പ്രസിഡന്റ് ഷിജി ജെയിംസ് അധ്യക്ഷത വഹിച്ചു. പ്രവർത്തകയോഗത്തിന്റെ ഉദ്ഘാടനം സംസ്ഥാന സെക്രട്ടറി ശൂരനാട് ഗോപൻ നിർവ്വഹിച്ചു.
പാഠപുസ്തകങ്ങൾ കാവിവൽക്കരിക്കാനും ചരിത്രത്തെ തങ്ങൾക്ക് ഇഷ്ടമുള്ള രീതിയിൽ മാറ്റി പഠിപ്പിക്കാനും പരിണാമം സിദ്ധാന്തം പോലുള്ള അടിസ്ഥാന ശാസത്ര പാഠങ്ങൾ പിൻവലിക്കുവാനുമുള്ള നീക്കങ്ങളിൽ നിന്ന് കേന്ദ്രസർക്കാർ പിന്തിരിയണമെന്ന് സംഘടന പ്രമേയത്തിലൂടെ ആവശ്യപ്പെട്ടു.
സംഘം ജനറൽ സെക്രട്ടറി റ്റി.കെ.ശക്തിധരൻ, അഡ്വ.രാജഗോപാൽ വാകത്താനം, സി.എം.ലിയാക്കത്തലി, റ്റി.എം.മണിലാൽ, ഡോ.തോമസ് ജോർജ്, ജസ്റ്റിൻ ഇവല്യൂഷണിസ്റ്റ് തുടങ്ങിയവർ സംസാരിച്ചു. പുതിയ ഭാരവാഹികളായി എൻ.കെ.ദിനേശ്(പ്രസിഡന്റ്), സിജു രാജാക്കാട്(സെക്രട്ടറി), ഷേൺ കുമാർ(ട്രഷറർ), ജയൻ മുല്ലശ്ശേരി(ഓർഗനൈസിങ്ങ് സെക്രട്ടറി) എന്നിവരെ തിരഞ്ഞെടുത്തു.