തിരുവനന്തപുരം: അധിക്ഷേപ പരാമര്ശം ആവര്ത്തിച്ച് കലാമണ്ഡലം സത്യഭാമ. മോഹിനിയാട്ടം നടത്തുന്നത് മോഹിനിയാകണമെന്നും മോഹിനിയാട്ടത്തിന് സൗന്ദര്യം വേണമെന്നും സത്യഭാമ പറഞ്ഞു. കറുത്തവര് മേക്കപ്പിട്ട് വൃത്തിയാകണം. കലോത്സവത്തില് പല കുട്ടികളും മേക്കപ്പിന്റെ ബലത്തിലാണ് രക്ഷപ്പെടുന്നതെന്നും സത്യഭാമ ആരോപിച്ചു. ആര്എല്വി രാമകൃഷ്ണനെതിരായ ജാതി അധിക്ഷേപത്തില് പ്രതിഷേധം കനക്കുന്നതിനിടെയാണ് സത്യഭാമ വീണ്ടും വംശീയ, ജാതീയധിക്ഷേപം ആവര്ത്തിച്ചത്. താൻ ആരെയും അധിക്ഷേപിച്ചിട്ടില്ലെന്നും പറഞ്ഞ കാര്യങ്ങളില് ഒട്ടും കുറ്റബോധമില്ലെന്നും സത്യഭാമ പറഞ്ഞു. കറുത്ത കുട്ടികള് തന്റെ അടുത്ത് ഡാൻസ് പഠിക്കാൻ വന്നാല് അവരോട് മത്സരിക്കാൻ പോകേണ്ടെന്ന് പറയുമെന്നും സൗന്ദര്യത്തിന് മാര്ക്ക് ഉണ്ടെന്നും കലാമണ്ഡലം സത്യഭാമ പറഞ്ഞു.
മോഹിനിയാട്ടത്തിന് സൗന്ദര്യം വേണം.. അധിക്ഷേപ പരാമര്ശം ആവര്ത്തിച്ച് സത്യഭാമ…
ജോവാൻ മധുമല
0
Tags
Top Stories