പത്തനംതിട്ട: കടമ്പനാട് പ്രായപൂർത്തിയാകാത്ത പെൺകുട്ടിയെ ലൈംഗികാതിക്രമത്തിനിരയാക്കിയ 19 കാരൻ അറസ്റ്റിൽ. രണ്ടുവർഷത്തോളമായി സൗഹൃത്തിലായിരുന്ന പെൺകുട്ടിയെ ഗർഭിണിയാക്കിയ കേസിലാണ് കടമ്പനാട് കല്ലുകുഴി സ്വദേശി ബിജിഷിനെ പൊലീസ് പിടികൂടിയത്.
2024 ലാണ് കേസിനാസ്പദമായ സംഭവം നടന്നത്. ബിജിഷിന്‍റെ വീട്ടിൽ വച്ചാണ് പെൺകുട്ടിയെ ലൈംഗിക പീഡനത്തിന് ഇരയാക്കിയത്. കുട്ടിയുടെ മൊഴിപ്രകാരം ഈവർഷം ജനുവരി 30 ന് ശാസ്താംകോട്ട പൊലിസ് സ്റ്റേഷനിലാണ് യുവാവിനെതിരേ കേസ് രജിസ്റ്റർ ചെയ്തത്.
എന്നാൽ ലൈംഗികാതിക്രമം ഏനാത്തു പൊലീസ് സ്റ്റേഷൻ പരിധിയിലുള്ള പ്രതിയുടെ വീട്ടിൽ വച്ചായതിനാൽ അവിടെ കേസ് രജിസ്റ്റർ ചെയ്യുകയായിരുന്നു.
കഴിഞ്ഞ ദിവസം കോഴിക്കോട് ചെറുവാടിയിലെ അതിഥി തൊഴിലാളികൾ താമസിക്കുന്ന ക്യാംപിൽ നിന്നാണ് ബിജിഷിനെ പിടികൂടിയത്.