ആലപ്പുഴ മെഡിക്കൽ കോളേജ് ആശുപത്രിയിൽ ലാബിൽ തീപിടിത്തം ഉണ്ടായത് പരിഭ്രാന്തി പരത്തി.
.ബുധനാഴ്ച രാത്രി 9-15 ഓടെ ആയിരുന്നു ഒന്നാം നിലയിലെ മൈക്രോബയോളജി ലാബിൽ
തീ പിടിത്തം ഉണ്ടായത്. പുക ഉയരുന്നതു കണ്ട് ജീവനക്കാർ പുറത്തേക്ക് ഓടി. 8 ഓളം ജീവനക്കാർ ഈ സമയം ലാബിൽ ഉണ്ടായിരുന്നു. വിവരം അറിഞ്ഞ് തകഴിയിൽ നിന്നും ആലപ്പുഴ നിന്നും അഗ്നി രക്ഷാ സേന എത്തി തീ അണച്ചു.ഫ്രിഡ്ജ് തുടങ്ങിയ ഇലക്ട്രിക് ഉപകരണങ്ങൾ കത്തിനശിച്ചു. ഷോർട്ട് സർക്യൂട്ട് ആണെന്നാണ് പ്രാഥമിക നിഗമനം.