കോട്ടയം: ജൂലൈ 26ന് കോഴിക്കോട് നടന്ന കേരള സ്റ്റേറ്റ് പവർലിഫ്റ്റിങ് ചാംപ്യൻഷിപിൽ പാമ്പാടി വെള്ളൂർ (7-ാം മൈൽ) വടക്കേക്കര വീട്ടിൽ സുനിതാ ചെറിയാൻ വെള്ളി മെഡൽ കോട്ടയം ജില്ലയ്ക്കായി നേടി.
കേരള സ്റ്റേറ്റ് പവർലിഫ്റ്റിങ് അസോസിയേഷനും കോഴിക്കോട് ജില്ലാ പവർലിഫ്റ്റിങ് അസോസിയേഷനും സംയുക്തമായി നടത്തിയ ചാംപ്യൻഷിപിൽ കോട്ടയം ജില്ലയ്ക്ക് അഭിമാനമായി വനിതാ വിഭാഗത്തിൽ തന്റെ ആദ്യ സംസ്ഥാനതല മത്സരത്തിൽ തന്നെ സുനിതാ ചെറിയാൻ വെള്ളി മെഡൽ നേടിയത്.
കോട്ടയം കളത്തിപ്പടിയിലുള്ള സോളമൻസ് ജിമ്മിൽ ഉടമസ്ഥരും ഫിറ്റ്നസ് പരിശീലകരും ദേശീയ പവർലിഫ്റ്റിങ് ജേതാക്കളായ സോളമൻ തോമസിന്റെയും ക്രിസ്റ്റി സോളമന്റെയും പരിശീലനത്തിൽ ആണ് പവർലിഫ്റ്റിങ് മത്സരത്തിൽ പങ്കെടുത്തത് വിജയിച്ചത്.
സുനിതാ ചെറിയാൻ വാഴൂർ പുളിക്കൽകവല (14-ാം മൈൽ) പുള്ളിയിൽ പരേതരായ മത്തായി ജോസഫ്, ശോശാമ്മ മത്തായി യുടെ മകളും. വെള്ളൂർ (7-ാം മൈൽ) നിതാ ഹോട്ടൽ ഉടമ വടക്കേക്കര പരേതനായ വി. എം. ചെറിയാൻ (തങ്കച്ചന്റെ) ഭാര്യയുമാണ്. മക്കൾ: നിതിൻ (യു.കെ), നിതാ (എറണാകുളം).
