റെഡ്മി 15 5G സ്മാർട്ട്ഫോൺ ഇന്ത്യയിൽ പുറത്തിറങ്ങി. ഇന്ത്യയില്‍ റെഡ്മി 15 5ജിയുടെ 6 ജിബി + 128 ജിബി ബേസ് വേരിയന്‍റിന് 14,999 രൂപയാണ് വില വരുന്നത്. ഓഗസ്റ്റ് 28 മുതൽ ആമസോൺ, ഷവോമി ഇന്ത്യ വെബ്‌സൈറ്റ്, റെഡ്മി റീട്ടെയിൽ സ്റ്റോറുകൾ തുടങ്ങിയവ വഴി ഈ ഹാൻഡ്‌സെറ്റ് വാങ്ങാൻ ലഭ്യമാകും. 8 ജിബി + 128 ജിബി, 8 ജിബി + 256 ജിബി വേരിയന്‍റുകൾക്ക് യഥാക്രമം 15,999 രൂപയും 16,999 രൂപയുമാണ് വില.
ഫ്രോസ്റ്റഡ് വൈറ്റ്, മിഡ്‌നൈറ്റ് ബ്ലാക്ക്, സാൻഡി പർപ്പിൾ കളർ ഓപ്ഷനുകളിൽ റെഡ്മി 15 5ജി വിൽക്കുമെന്ന് കമ്പനി പറയുന്നു. അതേസമയം പുതിയ റെഡ്മി 15 5ജിയിൽ 6.9 ഇഞ്ച് ഫുൾ-എച്ച്ഡി+ (1,080×2,340 പിക്‌സലുകൾ) ഡിസ്പ്ലേ, 144 ഹെര്‍ട്‌സ് വരെ റിഫ്രഷ് റേറ്റ്, 288 ഹെര്‍ട്‌സ് വരെ ടച്ച് സാമ്പിൾ റേറ്റ്, 850 നിറ്റ്‌സ് പീക്ക് ബ്രൈറ്റ്നസ് ലെവൽ എന്നിവയുണ്ട്. കുറഞ്ഞ നീല വെളിച്ചം, ഫ്ലിക്കർ-ഫ്രീ, സർക്കാഡിയൻ-ഫ്രണ്ട്ലി മാനദണ്ഡങ്ങൾക്കായി ടിയുവി റൈൻലാൻഡ് സർട്ടിഫിക്കേഷനുകൾ ഈ സ്‌ക്രീനിന് ലഭിക്കുന്നു. റെഡ്മി 15 5ജി, 8 ജിബി വരെ LPDDR4x റാമും 256 ജിബി വരെ യുഎഫ്‌സ് 2.2 ഓൺബോർഡ് സ്റ്റോറേജുമായി ജോടിയാക്കിയ സ്‍നാപ്ഡ്രാഗൺ 6എസ് ജെൻ 3 സോക് ആണ് കരുത്ത് പകരുകുന്നത്. റെഡ്മി 15 5ജിയിൽ എഐ പിന്തുണയുള്ള 50-മെഗാപിക്സൽ ഡ്യുവൽ റിയർ ക്യാമറ യൂണിറ്റ് സജ്ജീകരിച്ചിരിക്കുന്നു. ഈ സ്‌മാർട്ട്‌ഫോണിൽ 8-മെഗാപിക്സൽ സെൽഫി ഷൂട്ടർ ഉണ്ട്. എഐ സ്കൈ, എഐ ബ്യൂട്ടി, എഐ ഇറേസ് തുടങ്ങിയ എഐ പിന്തുണയുള്ള സവിശേഷതകളെ ഇത് പിന്തുണയ്ക്കുന്നു. ഡോൾബി-സർട്ടിഫൈഡ് സ്പീക്കറുകളും ഈ ഫോണിന് ലഭിക്കുന്നു. റെഡ്മി 15 5ജിയിൽ 7,000 എംഎഎച്ച് സിലിക്കൺ-കാർബൺ ബാറ്ററിയും 33 വാട്‌സ് വയർഡ് ഫാസ്റ്റ് ചാർജിംഗും 18 വാട്‌സ് വയർഡ് റിവേഴ്‌സ് ചാർജിംഗും ലഭിക്കുന്നു. ആൻഡ്രോയ്‌ഡ് 15 ഔട്ട്-ഓഫ്-ദി-ബോക്‌സിന്‍റെ പിന്തുണയുള്ള ഹൈപ്പർ OS 2.0 ലാണ് ഈ സ്മാർട്ട്ഫോൺ പ്രവർത്തിക്കുന്നത്. രണ്ട് വർഷത്തെ പ്രധാന ഒഎസ് അപ്‌ഗ്രേഡുകളും നാല് വർഷത്തെ സുരക്ഷാ അപ്‌ഡേറ്റുകളും ഇതിന് ലഭിക്കും. ഗൂഗിളിന്‍റെ ജെമിനി, സർക്കിൾ ടു സെർച്ച് തുടങ്ങിയ എഐ ഫീച്ചറുകളെ ഈ ഹാൻഡ്‌സെറ്റ് പിന്തുണയ്ക്കുന്നു.