തൃശൂർ: കഴിഞ്ഞ ലോക്സഭാ തെരഞ്ഞെടുപ്പിൽ തൃശൂരിൽ വോട്ടർ പട്ടികയിൽ അട്ടിമറി നടന്നതായി സംശയമുള്ളതായി സിപിഐ നേതാവ് വി.എസ്. സുനിൽകുമാർ. വോട്ടർ പട്ടികയിൽ ക്രമക്കേട് നടന്നതായി നേരത്തെ രാഹുൽ ഗാന്ധി ആരോപിച്ചിരുന്നു. ഇതിനു പിന്നാലെയാണ് ഇപ്പോൾ സുനിൽകുമാറും രംഗത്തെത്തിയിരിക്കുന്നത്.
തെരഞ്ഞെടുപ്പ് കമ്മിഷൻ രാഷ്ട്രീയവത്കരിക്കപ്പെട്ടുവെന്നും രാഹുൽ ഗാന്ധിയുടെ ആരോപണം ഞെട്ടിപ്പിക്കുന്നതാണെന്നും സുനിൽ കുമാർ പറഞ്ഞു. അട്ടിമറി നടന്നതായി സംശയം ബലപ്പെടുന്നുവെന്നും അദ്ദേഹം കൂട്ടിച്ചേർത്തു.