എന്നാല്‍, ഇത് മനപ്പൂര്‍വം പാര്‍ട്ടിയെ അവഹേളിക്കാനുള്ള ഗൂഢശ്രമമാണെന്ന് നേതാക്കള്‍ പറയുന്നു. അതേസമയം, പാര്‍ട്ടിയിലെ ചിലനേതാക്കളുടെ മൗനസമ്മതത്തോടെയാണ് അഭ്യുദയകാംക്ഷി എന്നനിലയിലുള്ള കത്ത് പ്രചരിക്കുന്നതെന്നും ആരോപണമുയര്‍ന്നിട്ടുണ്ട്.
ക്ഷണിതാക്കളടക്കം ജില്ലാ കൗണ്‍സിലിലെ 65 അംഗങ്ങളില്‍ 35 പേരും ഒരു സമുദായക്കാരാണെന്നും നിര്‍വാഹകസമിതിയില്‍ 18-ല്‍ 11 പേരും ഇതേ സമുദായത്തില്‍പ്പെട്ടവരാണെന്നും കത്തില്‍ ചൂണ്ടിക്കാട്ടുന്നു. പാര്‍ട്ടി കെട്ടിപ്പടുക്കാന്‍നിന്ന ഈഴവസമുദായത്തിന് അര്‍ഹമായ പ്രാതിനിധ്യം ലഭിക്കുന്നില്ലെന്നാണ് പരാതി.
സി. ദിവാകരന്‍, കെ.പി. ശങ്കരദാസ് എന്നിവരെ പാര്‍ട്ടി വെട്ടിയൊതുക്കിയെന്നും പറയുന്നുണ്ട്.
ഭരണപരമായ പദവികള്‍ ലഭിക്കുന്നതും ഒരു വിഭാഗത്തിലുള്ളവര്‍ക്കാണെന്നും ചൂണ്ടിക്കാണിക്കപ്പെടുന്നു.
ജില്ലാസമ്മേളനത്തിന് മുന്നോടിയായുള്ള ഈ പ്രചാരണം സ്ഥാനമാനങ്ങള്‍ക്കായാ ണെന്നാണ് മുതിര്‍ന്നനേതാക്കള്‍ കരുതുന്നത്.