ജോലി ചെയ്ത പണം കിട്ടാൻ മുൻ വിദ്യാഭ്യാസ മന്ത്രിയോട് സംസാരിക്കണമെന്നാവശ്യപെട്ട് 17 കുട്ടികളെ ബന്ധിയാക്കിയ യുവാവ് മരിച്ചു. ഇന്ന് ഉച്ചയോടെയാണ് സംഭവം. അഭിനയം പഠിക്കാനെത്തിയ കുട്ടികൾ ഉച്ചക്ക് പുറത്തുവരാതിരുന്നതും സ്റ്റുഡിയോയിൽ നിന്നും എയര് ഗണ്ണിന്റ വെടി പൊട്ടിയതോടെയുമാണ് സംഭവം പുറത്തറിയുന്നത്. പിന്നാലെ ഭീക്ഷണി മുഴക്കിയ യുട്യൂബറെ മുംബൈ പൊലീസെത്തി ഏറ്റുമുട്ടലിലൂടെ പിടികൂടി. പുതിയതായി ചിത്രീകരിക്കുന്ന സിനിമയുടെ ഓഡിഷനെന്ന് തെറ്റിദ്ധരിപ്പിച്ച് പവായിലെ സ്റ്റുഡിയോയിൽ കുട്ടികളെ എത്തിച്ചായിരുന്നു ബന്ധി നാടകം.
100 കുട്ടികളാണ് ഓഡിഷനെത്തിയത്. ഇതിൽ 17 കുട്ടികളെ നിർത്തി മറ്റെല്ലാവരെയും പറഞ്ഞുവിട്ട ശേഷമായിരുന്നു നാടകം. യുവാവിൻറെ വീഡിയോ കണ്ട് പൊലീസും ഫയർഫോഴ്സും സ്ഥലത്തെത്തി ഗ്ലാസുകൾ പോട്ടിച്ച് അകത്തുകയറി കുട്ടികളെ രക്ഷപെടുത്തുകയായിരുന്നു. ഞാനോരു തീവ്രവാദിയല്ല പണത്തിനുള്ള ഡിമാൻറുമില്ല ചില ന്യായമായ കാര്യങ്ങൾ സംസാരിക്കാനുണ്ട്. അതിന് അവസരമോരുക്കിയില്ലെങ്കിൽ കുട്ടികളും താനും മരിക്കും. ഇതായിരുന്നു കുട്ടികളെ ബന്ധിയാക്കിയ ഉടൻ രോഹിത് പുറത്തുവിട്ട വീഡിയോയുടെ സാരം. രോഹിതിന് ചില മാനസിക പ്രശ്നങ്ങളുണ്ടെന്നാണ് പൊലീസ് നൽകുന്ന വിവരം.