കൊല്ലം : ദീപാവലി ആഘോഷം പ്രമാണിച്ച്‌ ബംഗളൂരു-കൊല്ലം പാതയില്‍ പ്രത്യേക ട്രെയിൻ സർവീസ് പ്രഖ്യാപിച്ച്‌ റെയില്‍വെ.
ഒക്ടോബർ 16ന് ബംഗളൂരു എസ്‌എംവിടി സ്‌റ്റേഷനില്‍ നിന്നും വൈകീട്ട് മൂന്നു മണിക്ക് പുറപ്പെടുന്ന ബംഗളൂരു-കൊല്ലം എക്‌സ്പ്രസ് (06561) അടുത്ത ദിവസം രാവിലെ 06:20 ന് കൊല്ലത്ത് എത്തിച്ചേരും.
ഒക്ടോബർ 17ന് കൊല്ലത്ത് നിന്നും 10:45ന് പുറപ്പെടുന്ന കൊല്ലം-ബംഗളൂരു കന്റോണ്‍മെന്റ് എക്‌സ്പ്രസ് (06562) അടുത്ത ദിവസം രാവിലെ 03:30ന് ബംഗളൂരു കന്റോണ്‍മെന്റ് സ്‌റ്റേഷനിലെത്തും.
കേരളത്തില്‍ പാലക്കാട്, തൃശ്ശൂർ, ആലുവ, എറണാകുളം ടൗണ്‍, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം എന്നിവിടങ്ങളില്‍ സ്റ്റോപ്പുണ്ട്. ഒക്ടോബർ 13 തിങ്കളാഴ്ച രാവിലെ എട്ടുമണി മുതല്‍ ട്രെയിൻ ടിക്കറ്റ് റിസർവേഷൻ ഓപണാകും.