കൊറ്റനാട് ഗ്രാമപ്പഞ്ചായത്ത് 12-ാം വാർഡിൽ ചാന്തോലിൽ സുനിതമാർ തമ്മിലാണ് മത്സരങ്ങൾ. എൻ.കെ. സുനിത (UDF), പി.എ. സുനിത (LDF), എ.കെ. സുനിത (NDA) എന്നിവരാണ് മൂന്ന് മുന്നണികളുടെയും സ്ഥാനാർത്ഥികൾ.
രണ്ടക്ഷര ഇനീഷ്യലുകൾ കൂടി ഉണ്ടായ സുനിത എന്ന പേരാണ് മൂന്നു സ്ഥാനാർഥികളിലുമുള്ള ഒരു പ്രത്യേകത. എൻ.കെ., പി.എ., എ.കെ. എന്ന ഇനീഷ്യലുകളുടെ വ്യത്യാസമാണ് സ്ഥാനാർത്ഥികളെ തിരിച്ചറിയാൻ സഹായിക്കുന്നത്.
മഹിളാ കോണ്‍ഗ്രസ് മണ്ഡലം മുന്‍ പ്രസിഡന്റായ എന്‍.കെ. സുനിത അങ്കണവാടി ജീവനക്കാരിയാണ്. മഹിളാ അസോസിയേഷന്‍ പഞ്ചായത്ത് കമ്മിറ്റി അംഗമായ പി.എ. സുനിത പത്തനംതിട്ട കോടതിയില്‍ പബ്ലിക് പ്രോസിക്യൂട്ടറുടെ ഓഫീസില്‍ അപ്രന്റീസായി ജോലിചെയ്തിരുന്നു. എ.കെ. സുനിത വീട്ടമ്മയാണ്.