ഡൽഹിയിലേക്ക് ചികിത്സാ ആവശ്യങ്ങൾക്കായി യാത്ര ചെയ്യുകയായിരുന്നു ആരതി. റിസർവ് ചെയ്ത ട്രെയിൻ വൈകിയതിനാലാണ് മറ്റൊരു ട്രെയിനിൽ കയറിയത്. ഈ യാത്രക്കിടെ ടിക്കറ്റിനെ ചൊല്ലി യുവതിയും ടിടിഇയും തമ്മിൽ തർക്കമുണ്ടായി. തർക്കത്തിനൊടുവിൽ ടിടിഇ ആദ്യം യുവതിയുടെ പേഴ്സ് ട്രെയിനിൽ നിന്ന് പുറത്തേക്ക് എറിഞ്ഞു.
അതിന് പിന്നാലെയാണ് യുവതിയെ ഓടുന്ന ട്രെയിനിൽ നിന്ന് പുറത്തേക്ക് തള്ളിയിട്ടത്. റെയിൽവേ ട്രാക്കിൽ വീണ യുവതി തൽക്ഷണം മരിച്ചു. ആദ്യം അപകടമരണം എന്ന് കരുതിയെങ്കിലും, തുടർന്നുള്ള അന്വേഷണത്തിലാണ് കൊലപാതകമെന്ന് വ്യക്തമായത്.