ബിജെപിക്കുള്ള പിന്തുണ താത്കാലികമാണെന്ന് സ്വതന്ത്രനായ പാറ്റൂര് രാധാകൃഷ്ണന് പറഞ്ഞു. മേയര്, ഡെപ്യൂട്ടി മേയര് സ്ഥാനത്തേക്ക് ബിജെപിയെ പിന്തുണയ്ക്കും. എന്നാല് അഞ്ച് വര്ഷം പിന്തുണ നല്കുന്ന കാര്യം ഇപ്പോള് പറയാനാകില്ലെന്നും രാധാകൃഷ്ണന് പറഞ്ഞു.
ബിജെപി മുന് ജില്ലാ പ്രസിഡന്റ് വി വി രാജേഷ് ആണ് തിരുവനന്തപുരം കോര്പ്പറേഷന് മേയര് സ്ഥാനാര്ഥി. ബിജെപി സംസ്ഥാന ജനറല് സെക്രട്ടറി എസ് സുരേഷ് ആണ് മേയര് സ്ഥാനാര്ഥിയായി രാജേഷിനെ പ്രഖ്യാപിച്ചത്. തുടര്ച്ചയായ രണ്ടാം തവണയാണ് വി വി രാജേഷ് തിരുവനന്തപുരം കോര്പ്പറേഷന് കൗണ്സിലര് ആകുന്നത്. കൊടുങ്ങാനൂര് ഡിവിഷനില് നിന്നാണ് രാജേഷ് വിജയിച്ചത്.
ആശാനാഥ് ആണ് ഡെപ്യൂട്ടി മേയർ ആവുക. ജനറൽ സീറ്റിൽ നിന്നാണ് ആശ വിജയിച്ചത്. രണ്ടാം തവണയാണ് കൗൺസിലർ ആയി വിജയിക്കുന്നത്.