മൂന്ന് പതിറ്റാണ്ടായി ഫയലുകളിലും വാഗ്ദാനങ്ങളിലുമൊതുങ്ങിയിരുന്ന ഗുരുവായൂർ – തിരുനാവായ റെയിൽവേ പദ്ധതി വീണ്ടും ചർച്ചയിലേക്ക്. പദ്ധതി മരവിപ്പിച്ച റെയിൽവേ ബോർഡിന്റെ തീരുമാനം ഔദ്യോഗികമായി പിൻവലിച്ചതോടെ, മലബാറിനെയും കൊച്ചിയെയും ബന്ധിപ്പിക്കുന്ന ഈ സ്വപ്ന പദ്ധതിക്ക് പുതുജീവൻ ലഭിച്ചിരിക്കുകയാണ്. കേന്ദ്ര ബജറ്റ് അവതരണത്തിന് മുന്നോടിയായി കൈക്കൊണ്ട ഈ തീരുമാനം, പ്രദേശവാസികൾക്കും വികസന പ്രവർത്തകർക്കും വലിയ പ്രതീക്ഷയാണ് നൽകുന്നത്.
നിർമാണ പുരോഗതിയില്ലായ്മയും ഭൂമിയേറ്റെടുപ്പിലെ അനിശ്ചിതത്വവും ചൂണ്ടിക്കാട്ടി 2019-ലാണ് പദ്ധതി റെയിൽവേ ബോർഡ് മരവിപ്പിച്ചത്. എന്നാൽ പുതിയ തീരുമാനത്തോടെ, സാങ്കേതികമായി നിലനിന്നിരുന്ന പ്രധാന തടസ്സം നീങ്ങിയിരിക്കുകയാണ്.