കഴിഞ്ഞ ഒക്ടോബര് 27നാണ് കേസിനാസ്പദമായ സംഭവം. എല്ജിബിടി കമ്മ്യൂണിറ്റിയുടെ ഡേറ്റിങ് ആപ്പായ ജിന്ഡറിലൂടെ പരിചയപ്പെട്ട കോഴിക്കോട്ടെ സ്വകാര്യ സ്ഥാപനത്തിലെ മാനേജരെ കാണാന് പ്രതി ലിങ്ക് റോഡിലുള്ള ഹോട്ടലിലെത്തി. തുടര്ന്ന് മയക്കുമരുന്ന് കലര്ത്തിയ ജ്യൂസ് നല്കി മയക്കി കിടത്തി സ്വര്ണ ചെയിന്, വെളളിയരഞ്ഞാണം, 5000 രൂപ എന്നിവ കവര്ന്നു. എടിഎം കാര്ഡ് കൈക്കലാക്കി 2.4 ലക്ഷം രൂപയും തട്ടിയെടുത്തു.
സമാനമായ രീതിയിൽ മറ്റൊരാളില് നിന്ന് പണം കവരാന് ശ്രമിക്കുന്നതിനിടെ കണ്ണൂരില് നിന്നാണ് ഇയാളെ ടൗണ് പൊലീസ് കസ്റ്റഡിയിലെടുത്തത്. ടൗണ് എസ്ഐ ഷിനോബിന്റെ നേതൃത്വത്തിലുള്ള സംഘമാണ് പ്രതിയെ പിടിച്ചത്. വൈ-ഫൈ ഉപയോഗിച്ച് മാത്രമാണ് ഇയാള് കുറ്റകൃത്യങ്ങള് നടത്തിയിരുന്നത്. ടവര് ലൊക്കേഷന് പരിശോധിച്ച് കണ്ണൂരില് ഉണ്ടെന്ന് ഉറപ്പുവരുത്തിയാണ് പ്രതിയെ കസ്റ്റഡിയിലടുത്തത്.