രാജ്യമെമ്പാടും ഹോളി ആഘോഷങ്ങൾ നടക്കുമ്പോൾ എല്ലാ വർഷവും മൃഗങ്ങളെ പീഡിപ്പിക്കുന്ന കേസുകളും റിപ്പോർട്ട് ചെയ്യപ്പെടാറുണ്ട്. ഇത്തവണ ഹരിയാനയിൽ നിന്നും അത്തരമൊരു സംഭവം പുറത്തുവന്നു. ഹരിയാനയിലെ ഹോളി ആഘോഷത്തിനിടെ മദ്യപിച്ച കുറച്ച് പേർ ചേർന്ന് ഒരു പശുവിനെ നിർബന്ധിച്ച് മദ്യം കുടിപ്പിക്കുകയും വലിച്ചിഴയ്ക്കുകയും ചെയ്യുന്ന വീഡിയോ സമൂഹ മാധ്യമങ്ങളിൽ വൈറലായി. സ്ട്രീറ്റ് ഡോഗ്സ് ഓഫ് ബോംബെ എന്ന ഇൻസ്റ്റാഗ്രാം പേജിൽ പങ്കുവയ്ക്കപ്പെട്ട വീഡിയോ പതിനായിരക്കണക്കിന് ആളുകളാണ് ഇതിനകം കണ്ടത്. ഉത്സവങ്ങളിൽ മൃഗങ്ങളെ ദുരുപയോഗം ചെയ്യുന്നതിനെക്കുറിച്ച് മൃഗ സ്നേഹികൾ ആശങ്കപ്പെടുന്നതിനിടെയിലാണ് ഇത്തരമൊരു സംഭവം സമൂഹ മാധ്യമങ്ങളിൽ വൈറലായത്.