തിരുവനന്തപുരം: നിയമസഭ തെരഞ്ഞെടുപ്പ് പ്രചരണത്തില് പങ്കെടുക്കാന് ലോക്സഭാ പ്രതിപക്ഷ നേതാവ് രാഹുല് ഗാന്ധി വീണ്ടും കേരളത്തിലെത്തും. തിങ്കളാഴ്ച കോട്ടയം, പത്തനംതിട്ട ജില്ലകളില് യുഡിഎഫിനായി പ്രചരണം നടത്തും. പാമ്പാടിയിൽ ചാണ്ടി ഉമ്മൻ്റെ പ്രചരണാർത്ഥം ബസ്സ് സ്റ്റാൻഡ് മൈതാനത്ത് എത്തും തിങ്കളാഴ്ച്ച
( 30/03/26 ) 3 പി. എമ്മിന് ആണ് എത്തുന്നത് . ആർ. ഐ. റ്റി എഞ്ചിനീയറിംഗ് കോളേജ് ഗ്രൗണ്ടിൽ ഇറങ്ങി റോഡ് മാർഗം ബസ്റ്റാൻഡിൽ എത്തിച്ചേരും.
സോണിയ ഗാന്ധിയുടെ അനാരോഗ്യത്തെ തുടര്ന്ന് മാര്ച്ച് 25ന് നിശ്ചയിച്ചിരുന്ന രാഹുലിന്റെ കേരള സന്ദര്ശനം റദ്ദാക്കിയിരുന്നു. കോഴിക്കോട് ബീച്ചില് നടന്ന നിയമസഭ തെരഞ്ഞെടുപ്പ് റാലിയില് പങ്കെടുക്കാനായിരുന്നു രാഹുല് എത്തേണ്ടിയിരുന്നത്. രാഹുലിന് വരാന് കഴിയാത്തത് കൊണ്ട് കോണ്ഗ്രസ് ദേശീയ അദ്ധ്യക്ഷന് മല്ലികാര്ജുന് ഖര്ഗെ റാലിയില് പങ്കെടുത്തിരുന്നു. പ്രിയങ്ക ഗാന്ധി എംപിയും യുഡിഎഫ് പ്രചരണ പരിപാടികളില് പങ്കെടുക്കും.