ഇറാനുമായുള്ള യുദ്ധം അവസാനിക്കുമെന്ന പ്രതീക്ഷ നല്കി വെടിനിര്ത്തല് നീട്ടി അമേരിക്കന് പ്രസിഡന്റ് ഡോണള്ഡ് ട്രംപ് നടത്തിയ പ്രഖ്യാപനത്തിന്റെ ചുവടുപിടിച്ച് കഴിഞ്ഞ ദിവസം സ്വര്ണവിലയില് വലിയ മുന്നേറ്റം ഉണ്ടായിരുന്നു. എന്നാല് ഇറാന്- അമേരിക്ക ചര്ച്ച പരാജയപ്പെട്ടതോടെ എണ്ണവില ഉയര്ന്ന് വീണ്ടും ബാരലിന് 100 ഡോളറിന് മുകളില് എത്തിയതാണ് സ്വര്ണവില കുറയാന് കാരണമെന്നാണ് വിപണി വിദഗ്ധര് പറയുന്നത്. പശ്ചിമേഷ്യന് സംഘര്ഷമാണ് പ്രധാനമായി സ്വര്ണവിലയെ സ്വാധീനിക്കുന്നത്. ഇതിനെ തുടര്ന്ന് എണ്ണവില കൂടുന്നതും കുറയുന്നതും സ്വര്ണവിലയില് പ്രതിഫലിക്കുന്നുണ്ട്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.