കൊച്ചി: സംസ്ഥാനത്ത് സ്വര്ണവില വീണ്ടും കൂടി. പവന് ഇന്ന് 160 രൂപ വര്ധിച്ചതോടെ സ്വര്ണവില 1,14,000ന് മുകളില് എത്തി. 1,14,080 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 20 രൂപയാണ് വര്ധിച്ചത്. 14,260 രൂപയാണ് ഒരു ഗ്രാം സ്വര്ണത്തിന്റെ വില.
പശ്ചിമേഷ്യന് സംഘര്ഷത്തിന് അയവ് വരുമെന്ന് പ്രതീക്ഷ നല്കി വീണ്ടും അമേരിക്ക- ഇറാന് സമാധാന ചര്ച്ചകള് പുനരാരംഭിക്കുമെന്ന റിപ്പോര്ട്ടുകളാണ് സ്വര്ണവിലയെ സ്വാധീനിച്ചത്. ഇതിന്റെ ഫലമായി എണ്ണവില കുറഞ്ഞിരുന്നു. ഇതിന് പിന്നാലെയാണ് സ്വര്ണവില വര്ധിച്ചത്.
