ബഹ്റൈനിലും കുവൈത്തിലും വീണ്ടും ആക്രമണശ്രമം. ഇന്ന് പുലര്ച്ചെ കുവൈത്തിന്റെ വ്യോമാതിര്ത്തിയിലേക്ക് വന്ന മിസൈലുകളെയും ഡ്രോണുകളെയും വ്യോമ പ്രതിരോധ സംവിധാനം വിജയകരമായി തകര്ത്തതായി കുവൈത്ത് സൈന്യം അറിയിച്ചു.
രാജ്യത്തിന്റെ വിവിധ ഭാഗങ്ങളില് കേട്ട സ്ഫോടന ശബ്ദങ്ങള് പ്രതിരോധ സംവിധാനങ്ങള് നടത്തിയ തടയല് നടപടികളുടെ ഫലമായിരുന്നുവെന്നും ജനങ്ങള് ആശങ്കപ്പെടേണ്ട സാഹചര്യമില്ലെന്നും സൈന്യം അറിയിച്ചു. സുരക്ഷാ നിര്ദേശങ്ങള് കര്ശനമായി പാലിക്കാനും ആക്രമണത്തില് തകര്ന്ന മിസൈല്, ഡ്രോണ് അവശിഷ്ടങ്ങള് അല്ലെങ്കില് തിരിച്ചറിയാത്ത വസ്തുക്കള് കണ്ടാല് അവയുടെ സമീപത്തേക്ക് പോകരുതെന്നും അധികൃതര് മുന്നറിയിപ്പ് നല്കി. ബഹ്റൈനില് മുന്നറിയിപ്പ് സൈറണ് മുഴങ്ങി.