ഒൻ്റാരിയോ: കാനഡയിലെ ഒൻ്റാറിയോ പ്രവിശ്യയിൽ മലയാളി വിദ്യാർത്ഥി തടാകത്തിൽ കുഴഞ്ഞുവീണ് മരിച്ചു. എറണാകുളം അങ്കമാലി സ്വദേശിയായ ഫ്രെഡ്ഡി ജോർജ് (29) ആണ് ഒൻ്റാറിയോയിലെ പീറ്റർബറോയ്ക്ക് സമീപമുള്ള തടാകത്തിൽ ദാരുണമായി മരിച്ചത്. ഒൻ്റാറിയോയിൽ പോസ്റ്റ് ഗ്രാജുവേറ്റ് പഠനം നടത്തിവരികയായിരുന്നു അദ്ദേഹം.?
തടാകത്തിലെ അത്യന്തം തണുത്ത വെള്ളത്തിൽ കുളിക്കുന്നതിനിടെ ശരീരത്തിലുണ്ടായ പെട്ടെന്നുള്ള പ്രതികരണം (കോൾഡ് ഷോക്ക്) തുടർന്ന് ഫ്രെഡ്ഡി കുഴഞ്ഞുവീഴുകയായിരുന്നു എന്നാണ് പ്രാഥമിക റിപ്പോർട്ടുകൾ. ഉടൻ തന്നെ കൂടെയുണ്ടായിരുന്നവർ രക്ഷപ്പെടുത്താൻ ശ്രമിച്ചെങ്കിലും ജീവൻ രക്ഷിക്കാനായില്ല. കഠിനമായ തണുപ്പ് മൂലം ശരീരതാപനില താഴുന്ന 'ഹൈപ്പോതെർമിയ' ആണോ മരണകാരണമെന്ന സാധ്യതയും പരിശോധിക്കുന്നുണ്ട്.
സംഭവത്തെ തുടർന്ന് പ്രാദേശിക പൊലീസ് അന്വേഷണം ആരംഭിച്ചിട്ടുണ്ട്. നിലവിൽ പോസ്റ്റ് മൃതദേഹംമോർട്ടം നടപടികൾക്കായി മാറ്റിയിരിക്കുകയാണ്. നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കുന്നതിനുള്ള ശ്രമങ്ങൾ പുരോഗമിക്കുന്നതായി കാനഡയിലെ മലയാളി അസോസിയേഷൻ ഭാരവാഹികൾ അറിയിച്ചു.