കള്ളനോട്ടുകളുമായി യുവാവ് അറസ്റ്റിൽ. മാമ്പതി ഭാഗത്ത് താമസിക്കുന്ന ആനിക്കാട് രണ്ടുപറയിൽ അലക്സ് തോമസ് (23)നെ കറുകച്ചാൽ പോലീസാണ് അറസ്റ്റ് ചെയ്തത്.
കഴിഞ്ഞ രാത്രി എട്ടരയ്ക്ക് 500 രൂപയുടെ കള്ളനോട്ടുമായി കറുകച്ചാൽ വിദേശമദ്യഷോപ്പിൽ മദ്യം വാങ്ങാനെത്തിയ ഒരു യുവാവിനെ കേന്ദ്രീകരിച്ച് നടത്തിയ അന്വേഷണമാണ് അലക്സ് തോമസിനെ കുടുക്കിയത്.
ലോട്ടറി അടിച്ച പണമാണെന്ന് പറഞ്ഞ് അലക്സ് തോമസാണ് മൂന്ന് 500 രൂപ നോട്ടുകൾ നൽകിയതെന്ന് ഇയാൾ പറഞ്ഞു. രാത്രി ഒന്നരയോടെ പോലീസ് അലക്സ് തോമസിനെ തേടി മാമ്പതി ഭാഗത്തെ താമസസ്ഥലത്തെത്തി. ഓടിരക്ഷപ്പെടാൻ ശ്രമിച്ച അലക്ിനെ പോലീസ് പിടികൂടി. 62 നോട്ടുകൾ ഇയാളിൽനിന്ന് കണ്ടെടുത്തു.
നോട്ടുകളുടെ നിർമ്മാണം ഉൾപ്പെടെയുള്ള വിശദമായ അന്വേഷണം പൊലീസ് ആരംഭിച്ചിട്ടുണ്ട്