ബംഗാൾ ഉൾക്കടലിൽ വീണ്ടും ന്യൂനമർദ്ദം രൂപപ്പെടാൻ സാധ്യതയെന്ന് കേന്ദ്ര കാലാവസ്ഥ വകുപ്പ്. വടക്കുപടിഞ്ഞാറൻ ബംഗാൾ ഉൾക്കടലിനും സമീപ പ്രദേശങ്ങൾക്കും മുകളിലായി രൂപപ്പെട്ട ചക്രവാതച്ചുഴി ആഗസ്റ്റ് 12-ഓടെ ന്യൂനമർദ്ദമായി ശക്തിപ്രാപിക്കുമെന്നാണ് പ്രവചനം. ഇതിന്റെ സ്വാധീനത്തിൽ സംസ്ഥാനത്ത് അടുത്ത ദിവസങ്ങളിലും മഴ തുടരാൻ സാധ്യതയുണ്ട്.
അതേസമയം, മധ്യപ്രദേശിന് മുകളിലായി നിലവിലുള്ള ന്യൂനമർദ്ദം തുടരുകയാണ്. കേരളത്തിൽ ആഗസ്റ്റ് 10 മുതൽ 14 വരെ പൊതുവെ നേരിയതോ മിതമായതോ ആയ മഴ ലഭിക്കുമെന്ന് കാലാവസ്ഥ വകുപ്പ് അറിയിച്ചു.
ബംഗാൾ ഉൾക്കടലിലെ കാലാവസ്ഥാ വ്യതിയാനങ്ങൾ തുടർച്ചയായി നിരീക്ഷിച്ചുവരികയാണെന്ന് കാലാവസ്ഥ വകുപ്പ് അറിയിച്ചു. മഴയും കാറ്റും ശക്തമാകാൻ സാധ്യതയുള്ള സാഹചര്യത്തിൽ പൊതുജനങ്ങളും മത്സ്യത്തൊഴിലാളികളും ബന്ധപ്പെട്ട അധികൃതർ നൽകുന്ന മുന്നറിയിപ്പുകൾ കൃത്യമായി പാലിക്കണമെന്നും ജാഗ്രത തുടരണമെന്നും നിർദേശിച്ചിട്ടുണ്ട്