പൂപ്പാറയിലെ കാട്ടാന ആക്രമണത്തില് തോട്ടം തൊഴിലാളി മരിച്ച സംഭവത്തില് പ്രതിഷേധം അവസാനിപ്പിച്ച് ബന്ധുക്കളും നാട്ടുകാരും. ഉടുമ്പന്ചോല എംഎല്എ സേനാപതി വേണുവുമായി നടത്തിയ ചര്ച്ച ധാരണയില് എത്തിയതിനെ തുടര്ന്നാണ് ബന്ധുക്കൾ പ്രതിഷേധം അവസാനിപ്പിച്ചത്. മരിച്ച തോട്ടം തൊഴിലാളിയുടെ കുടുംബത്തിന് വനംവകുപ്പ് 10 ലക്ഷം രൂപ ധനസഹായം നല്കും. ആദ്യഘടുവായി 5 ലക്ഷം രൂപ ഇന്നുതന്നെ കൈമാറുമെന്നും കുടുംബത്തിന് 4 ലക്ഷം രൂപ റവന്യൂ വകുപ്പ് നല്കുമെന്നും അറിയിച്ചു. കൂടാതെ മരിച്ച ഒച്ച തേവരുടെ പോസ്റ്റുമോര്ട്ടം പരിശോധന തേനി മെഡിക്കല് കോളേജില് തന്നെ നടത്താമെന്നതിലും ധാരണയായിട്ടുണ്ട്.