കൊച്ചി: എറണാകുളം പെരുമ്പാവൂരിൽ വീട്ടമ്മ പൊള്ളലേറ്റു മരിച്ച നിലയിൽ. പൂപ്പാനി സ്വദേശി ഇന്ദിരയാണ് മരിച്ചത്. രാവിലെ ഇന്ദിരയെ വീട്ടിലെ മുറിയിൽ കാണാതായതോടെ, ഭര്ത്താവും മകനും ചേര്ന്ന് തെരഞ്ഞു. അപ്പോഴാണ് വീടിന് പുറത്ത് പൊള്ളലേറ്റ് നിലയിൽ മൃതദേഹം കണ്ടെത്തിയത്. സമീപത്തു നിന്ന് മണ്ണെണ്ണ കുപ്പിയും ലഭിച്ചിരുന്നു. ഫൊറൻസിക് സംഘമെത്തി വിശദമായി തെളിവെടുപ്പ് നടത്തി. പോസ്റ്റുമോര്ട്ടം നടപടികൾക്ക് ശേഷമേ മരണ കാരണം വ്യക്തമാകൂ. പെരുമ്പാവൂര് പൊലീസ് തുടര്നടപടികൾ സ്വീകരിക്കുകയാണ്.