വടകര പൊലീസ് സ്റ്റേഷനിലേക്ക് മാര്ച്ച് നടത്തിയ ഡിവൈഎഫ്ഐ പ്രവര്ത്തകര്ക്കെതിരെ കേസ്. കണ്ടാലറിയാവുന്ന 13പേര് ഉള്പ്പെടെ 120ഓളം പേര്ക്കെതിരെയാണ് കേസെടുത്തത്. ഔദ്യോഗിക കൃത്യനിര്വഹണം തടസ്സപ്പെടുത്തി, ആയുധം ഉപയോഗിച്ച് ഡ്യൂട്ടിയിലുണ്ടായിരുന്ന പൊലീസുകാരനെ മുറിവേല്പ്പിച്ചു, സ്റ്റേഷനിലേക്ക് അതിക്രമിച്ച് കയറി എന്നീ കുറ്റങ്ങള് ചുമത്തിയാണ് കേസെടുത്തിരിക്കുന്നത്.
തിരുവോണ ദിവസം പതിയാരക്കര മഞ്ചയില് കടവില് അക്രമണം നടത്തിയ ലഹരി സംഘത്തിലെ മുഴുവന് പ്രതികളെയും ഉടന് അറസ്റ്റ് ചെയ്യണമെന്ന് ആവശ്യപ്പെട്ട് ഡിവൈഎഫ്ഐ കഴിഞ്ഞദിവസം നടത്തിയ മാര്ച്ച് സംഘര്ഷത്തില് കലാശിച്ചിരുന്നു. ഇതിന് പിന്നാലെയാണ് പൊലീസ് നടപടി ഉണ്ടായിരിക്കുന്നത്.
