കൊച്ചി: മലബാർ വിപ്ലവവുമായി ബന്ധപ്പെട്ട് സംവിധാനം ചെയ്യുന്ന 1921 എന്ന ചിത്രത്തിന്റെ ചിത്രീകരണത്തിന് പാനസോണിക് ലൂമിക്സ് S1H 6 കെ ക്യാമറ സ്വന്തമാക്കിയതായി സംവിധായകന് അലി അക്ബര്.
ചിത്രത്തിന്റെ ചിത്രീകരണത്തിനായി വീട്ടുമുറ്റത്ത് 900 സ്ക്വയര് ഫീറ്റ് ഷൂട്ടിംഗ് ഫ്ലോര് തയ്യാറാകുന്നതായും അലി അക്ബര് പറഞ്ഞു. സിനിമയില് ഉപയോഗിക്കുന്ന ഖുക്രിയുടെ ചിത്രവും അലി അക്ബര് പങ്കുവെച്ചു. 80 ഓളം ഖുക്രി കത്തികള് കൈയ്യിലുണ്ടെന്നും കത്തി ഡിസൈന് ചെയ്തത് താനാണെന്നും അദ്ദേഹം പറഞ്ഞു.
ഒരുകോടിയിലധികം രൂപ സിനിമ നിർമിക്കാനായി പങ്കുവെച്ച മമധര്മ്മ എന്ന അക്കൗണ്ടിലേക്ക് വന്നതായി നേരത്തെ അലി അക്ബര് അറിയിച്ചിരുന്നു. സിനിമക്കായി അലി അക്ബറിന്റെ നേതൃത്വത്തില് രൂപീകരിച്ച നിര്മ്മാണ കമ്പനിയുടെ പേരാണ് മമധര്മ്മ. സിനിമയുടെ ഗാനം റെക്കോർഡ് ചെയ്യുന്ന കാര്യം അലി അക്ബർ നേരത്തെ ഫേസ്ബുക്ക് വഴി അറിയിച്ചിരുന്നു. ഹരി വേണുഗോപാലാണ് ചിത്രത്തിലെ ഗാനങ്ങള്ക്ക് സംഗീതമൊരുക്കുന്നത്. ചിത്രത്തില് പല പ്രമുഖ താരങ്ങളും ഭാഗമാകുമെന്നും സൈബര് ആക്രമണം ഭയന്നാണ് പലരുടെയും പേര് പുറത്തുപറയാത്തതെന്നും അലി അക്ബര് പറഞ്ഞു.