ബന്ധുനിയമനക്കേസില് ജലീലിന്റെ കൂട്ടുപ്രതിയാണ് മുഖ്യമന്ത്രി പിണറായി വിജയന്. ജലീലിന്റെ ബന്ധുവിനെ ന്യൂനപക്ഷവികസന ധനകാര്യകോര്പ്പറേഷനില് നിയമിക്കുന്നതിന് യോഗ്യതയില് മന്ത്രിസഭയെ മറികടന്ന് ഇളവുവരുത്തിയത് മുഖ്യമന്ത്രിയാണ്. അതിനാല് ഹൈക്കോടതിയിലെ ഈ വിധി മുഖ്യമന്ത്രിയ്ക്കെതിരായ കുറ്റപത്രം കൂടിയാണ്. ധാര്മ്മികത അല്പമെങ്കിലും അവശേഷിക്കുന്നുണ്ടെങ്കില് മുഖ്യമന്ത്രിയും ആസ്ഥാനത്ത് തുടരരുതെന്ന് രമേശ് ചെന്നിത്തല ആവശ്യപ്പെട്ടു.
ധാര്മ്മികതയൊന്നുമല്ല, നില്ക്കക്കള്ളിയില്ലാതെ നാണംകെട്ടാണ് കെ.ടി.ജലീല് മന്ത്രിസ്ഥാനം രാജിവച്ചതെന്ന് പ്രതിപക്ഷം പറഞ്ഞത് ഹൈക്കോടതി വിധിയോടെ ശരിയെന്ന് തെളിഞ്ഞിരിക്കുന്നു. ഹൈക്കോടതിയില്നിന്ന് അനുകൂല വിധി കിട്ടില്ലെന്ന് ഉറപ്പായതോടെയാണ് ജലീല് രാജിവച്ചതെന്നും രമേശ് ചെന്നിത്തല പറഞ്ഞു.