ആലപ്പുഴയില്‍ മണിക്കൂറുകളുടെ വ്യത്യാസത്തിലാണ് ബിജെപി നേതാവിന്റെയും എസ്ഡിപിഐ നേതാവിന്റെയും കൊലപാതകം നടന്നത്. ഇരു കൊലപാതകങ്ങളും നാടിനെ നടുക്കിയിരുന്നു. രാവിലെ ആറരയോടെ വീട്ടിലെത്തിയ അക്രമിസംഘം രണ്‍ജീതിനെ ആക്രമിക്കുകയായിരുന്നു.
രണ്‍ജീതിന്റെ ശരീരത്തില്‍ മുപ്പതോളം മുറിവുകള്‍ ഉണ്ടായിരുന്നതായി പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നു. ഇതില്‍ ഇരുപതിലധികം ആഴത്തിലുള്ള മുറിവുകളായിരുന്നു. ഇതാണ് മരണത്തിന് കാരണമായതെന്നും റിപ്പോര്‍ട്ടില്‍ പറയുന്നു.