വോയ്സ് സന്ദേശങ്ങള്‍ റെക്കോര്‍ഡു ചെയ്യുമ്പോള്‍ താല്‍ക്കാലികമായി നിര്‍ത്താനും പുനരാരംഭിക്കാനും ഉപയോക്താക്കളെ പ്രാപ്തമാക്കുന്ന പുതിയ അപേഡേഷനുമായി വാട്‌സ്ആപ്പ്. കോണ്‍ടാക്റ്റുകളിലേക്ക് അയയ്ക്കുന്നതിന് മുമ്പ് അവരുടെ വോയ്സ് സന്ദേശ റെക്കോര്‍ഡിംഗുകള്‍ അവലോകനം ചെയ്യാന്‍ ഉപയോക്താക്കളെ അനുവദിക്കുന്ന അടുത്തിടെ അവതരിപ്പിച്ച വോയ്സ് മെസേജ് പ്രിവ്യൂ ഫീച്ചറിന്റെ വിപുലീകരണമായാണ് ഇത് വരുന്നത്.
അപ്‌ഡേറ്റ് ചെയ്ത വാട്‌സ്ആപ്പ് ഐഒഎസ്15 ന്റെ ഭാഗമായ ഫോക്കസ് മോഡിനുള്ള പിന്തുണയും നല്‍കുന്നു. പുതിയ ഫീച്ചറുകള്‍ നിലവില്‍ തിരഞ്ഞെടുത്ത ഐഫോണ്‍ ഉപയോക്താക്കള്‍ക്ക് ലഭ്യമാണ്. എന്നിരുന്നാലും അവ വരും ആഴ്ചകളില്‍ എല്ലാ യോഗ്യരായ ഉപഭോക്താക്കള്‍ക്കും ലഭ്യമാക്കും.
ഡിസംബറില്‍ വോയ്സ് മെസേജ് പ്രിവ്യൂ ഫീച്ചറിലൂടെ അവതരിപ്പിച്ച നിലവിലുള്ള സ്റ്റോപ്പ് ബട്ടണിനെ ഡൈനാമിക് പോസ്, റെസ്യൂം ബട്ടണുകള്‍ ഉപയോഗിച്ച് ഇത് മാറ്റിസ്ഥാപിക്കാം. നിങ്ങളുടെ വോയ്സ് റെക്കോര്‍ഡിംഗ് ലോക്ക് ചെയ്യുന്നതിന് മുകളിലേക്ക് സൈ്വപ്പ് ചെയ്ത്, താല്‍ക്കാലികമായി നിര്‍ത്തുക, പുനരാരംഭിക്കുക ബട്ടണുകള്‍ ടാപ്പ് ചെയ്ത് നിങ്ങള്‍ക്ക് പുതിയ വാട്ട്സ്ആപ്പ് വോയ്സ് സന്ദേശ അനുഭവം പരീക്ഷിക്കാവുന്നതാണ്.